Поп опера урсгалаар уран бүтээлийн туурвидаг “Нюанс” хамтлагийн дуучид бүгд охидтой. Хамтлагийн гишүүн Д.Дүйнхоржавын охин хамгийн бага нь бол Өнөрөө, Амараа, Боргилчулуун нарын охид нас чацуу гэнэ. Тэр бүү хэл гурван аав нь охидоо нэг цэцэрлэгт, нэг ангид сургадаг аж.

“Нюанс”-ын гүнж нар аав нарынхаа авьяасыг өвлөсөн, сэргэлэн цовоо охид байдаг гэж цэцэрлэгийн багш нар нь магтдаг гэнэ. Аливаа уралдаан тэмцээнд цэцэрлэгээ төлөөлөн оролцдог гурван охиныг ирээдүйд “мундаг” дуучид болно гэж итгэдэг юм билээ. “Нюанс”-ын гүнж нар өнгөрсөн арванхоёрдугаар сард “Нюанс” хамтлагийн арван жилийн ойн баярын тоглолтод тайзнаа гарч, аавууддаа цэцэг бэлэглэж үзэгчидтэй мэндчилж байсан.