Гадаад харилцааны яам, Үндэсний хөгжил, шинэтгэлийн хороо, Монголын Маркетингийн холбоо, Үндэсний худалдаа аж үйлдвэрийн танхимтай хамтран “Монгол брэнд-Дэлхийд 2012 ” форумыг маргааш зохион байгуулах гэж байна.

Монголд үйлдвэрлэсэн бүтээгдэхүүн дэлхийн зах зээлд хөл тавихын тулд аль зах зээлд, ямар стратегийг ашиглах нь оновчтой тухай үндсэн ойлголт, судалгаа байдаггүй тул энэ талаар хэлэлцэн, шийдэлд хүрэхэд форумын зорилго орших гэнэ. Түүнчлэн өөрсдийн бүтээгдэхүүнээ брэнджүүлэх хэрэгцээ шаардлага өсөн нэмэгдэж буй энэ үед үндэсний нэгдсэн болон дэд брэндийг бий болгох, түүнийг хариуцдаг тодорхой нэгэн байгууллага, нэгжийг байгуулахаар хэлэлцэх ажээ. Энэ үеэр төрийн болон төрийн бус байгууллагууд, судалгаа шинжилгээний газруудаас төлөөлөгчид чуулж, форумын үндсэн чиглэлийн асуудлуулыг хэлэлцэж, санал зөвлөмжийг гарган, хариуцан ажиллах нэгжийн гүйцэтгэл, санхүүжилтыг уг форумын үеэр тодорхойлох юм байна.