Зоос банкны гүйцэтгэх захирал асан Ш.Чуданжий өөрийг нь ямар ч гэм хийгээгүй байхад ял оноосон гэж үзэж байгаа учир гомдолтой байгаа аж. Тэрбээр Зоос банкны “хэргийн эзэн хэнгэргийн дохиур”-ыг олоход нь хуулийн бай­гууллагынханд ту­салж байна гэж бодож байсан ч эцэст нь өөрөө ч мэдэлгүй хэрэгтэн болчихсон гэсэн утга бүхий ярилцлагыг өгсөн юм. Түүний хэл­сэн цөөхөн хэдэн үг өөрийг нь улс төрийн золиос болсон гэх ойлголтыг олон нийтэд төрүүлээд байгаа бө­гөөд Ш.Чуданжий ха­рин энэ хэр­гийн цаана нуугдсан эрхмүүдэд сануулга өгсөн бололтой. Уг нь түүнд зургаан жилийн хорих ял оноосон ч Өршөөлийн тухай хуульд хамруулсан. Гэтэл тэрбээр анхан шатны шүүх хурлын шийдвэрийг эсэр­гүүцэж давж заалдах шатны шүү­хэд хандахаа мэдэгдээд байгаа нь ийм хардлага төрүүлээд байгаа би­л­ээ. Ш.Чуданжийг Эрүүгийн хуу­­­лийн 156 дугаар зүйлийн гу­рав дахь хэсэгт заасан “Банкны бай­гуул­лагын ажил­тан шунахайн буюу хувийн ашиг сонирхлын үүд­нээс банкны мөнгөн хадгаламж, төл­бөр тооцоо, банкны зээлийн үйл ажил­лагааны тухай хууль тогтоомж зөр­чиж бусдад онц их хэмжээний хо­хирол учруулсан” гэх үндэслэлээр бу­руутгаж, “бу­руутай” хэмээн үзэж зур­гаан жилийн хорих ял оноосон юм. Харин үүнийг тэрбээр хүлээн зөв­шөөрөхөөс тат­галзаж байна. Тэр үнэ­хээр “гэмгүй гэмтэн” үү. Аль эс­вэл хэн нэгнийг сүрдүүлээд байна уу.