“Цэргийн гэмт хэрэг тулгах нь хууль зөрчсөн үйлдэл” | News.MN

“Цэргийн гэмт хэрэг тулгах нь хууль зөрчсөн үйлдэл”

Хуучирсан мэдээ: 2012.02.15-нд нийтлэгдсэн

“Цэргийн гэмт хэрэг тулгах нь хууль зөрчсөн үйлдэл”

Монгол Улсын Ерөнхийлөгчийн зөвлөх асан, хошууч генерал Б.Пүрэвийг “Ярилцах танхим”-ын зочноор урилаа.


-Сар шинийн өмнөхөн тантай ярилцаж байгаадаа таатай байна. Гэвч энэ удаа бидний ярианы гол сэдэв нь 2008 оны долоодугаар сарын 1-ний үйл явдалтай холбоотойгоор өрнөх нь. Нэгэн үе цагдаагийн бай­гууллагыг удирдаж яв­сан таны хувьд дээрх хэ­рэг­тэй холбогдуулан цагдаагийн дарга нарт “Цэргийн гэмт хэрэг” гэсэн зүйлчлэлээр ял тулгаж байгааг юу гэж үзэж байна вэ?

-Цагдаагийн зарим дарга, алба хаагчдыг цэргийн гэмт хэргийн зүйл ангиар эрүүгийн хариуцлагад татах, тэр тусмаа шийтгэх үндэслэл байхгүй. УИХ-ын гишүүн Х.Тэмүүжин нэгэнтээ телевизэд өгсөн ярилцлагадаа “Цагдаа бол цэрэг биш” гэж тодорхой хэлж байна лээ. Цэрэг биш юм чинь яаж цэргийн гэмт хэрэгтэн болох вэ. Тиймээс Цэргийн гэмт хэргийн тухай хуулиар цагдаагийн дарга нарыг яллах нь хууль зөрчсөн үйлдэл болно.

-Ер нь энэ үймээний үеэр цагдаагийнхан хэрхэн ажилласан, тэд яагаад заавал гэмт хэрэгтэн болох ёстой вэ гэдэг талаар та ямар бодолтой явдаг вэ?

-Цагдаагийн алба хаагч галт зэвсэг хэрэглэсэн үү, үгүй юу гэдгийг, мөн хэрэглэсэн бол галт зэвсэг хэрэглэх хууль ёсны үндэслэл байсан эсэхийг тогтоох нь маш чухал. Өөрөөр хэлбэл, ямар зорилго, шалтгаанаар галт зэвсэг хэрэглэсэн бэ гэдгийг шалгаж байгаа гэж би ойлгодог. Нотолгоо болчихмоор тодорхой баримт хэлдэг гэрч хомс бололтой. Галт зэвсэг хэрэглэсэн эсэхийг тогтоох үндсэн арга нь гэрчийн мэдүүлэг, баллистикийн (галт зэвсгийн) шинжилгээ хоёр байх болов уу. Тиймээс шинжилгээнд найдаж байгаа биз.

-УИХ-ын гишүүн сумны хонгио үзүүлж, түүнийгээ баримт хэмээн олон нийтэд тайлбарлан ярьсан. Тэрхүү хонгионуудыг нотлох баримт гэж үзэж болох уу?

-Хохирогчийн биеэс олдсон сумны хошууг аль буугаар буудсаныг тогтоох ёстой. Тогтоовол нотолгоо, тогтоохгүй бол нотолгоо биш. Дундаж гэж байхгүй. Гудамжнаас олсон хонгионуудыг цагдаагийн бууных гэж хардаж байгаа бол сумаар юу буудсан бэ. Өөрөөр хэлбэл, хошуу нь хаана байна вэ гэдгийг тогтоох зайлшгүй шаардлага гарна. Хохирол зөвхөн хошуунаас учирдаг. Цагдаагийн алба хаагч галт зэвсэг хэрэглэхдээ эхлээд анхааруулж хий буудах ёстой. Юутай ч хонгио нь олдсон бүх сумаар хүн буудаагүй нь тодорхой байгаагаас үзвэл, буудлагын сургуулийн байрнаас хонгио авчирч гудамжинд хаях буруу санаатай хүн ч байж болохыг үгүйсгэхгүй. Албан хаагчид нь галт зэвсэг хэрэглэсэн эсэх, хэрэглэсэн бол зөв хэрэглэсэн үү, буруу хэрэглэсэн үү гэдгийг шалгаж шийдээгүй байж дарга нартай хариуцлага ярих боломжгүй шүү дээ.

-Тухайн үед цагдаагийн алба хаагчид галт зэвсэг хэрэглэсэн  эсэх нь одоо хүртэл эргэлзээтэй хэвээр байна. Та энэ байгууллагыг сайн мэдэх хүний хувьд  цагдаа нарт галт зэвсэг байсан эсэх тухайд ямар таамаглалтай байдаг вэ?

-Хэрэв цагдаагийн алба хаагчид галт зэвсэг хэрэглэсэн бол энэ нь Цагдаагийн байгууллагын тухай хуулийн 40, 46 дугаар зүйлийн заалтад нийцэж байгаа эсэхийг тогтоох шаардлагатай. Мэдээж, энэ хуулийн заалтад нийцэж байвал цагдаагийн алба хаагч гэм буруугүй, нийцээгүй бол гэм буруутай гэсэн үг. Цагдаагийн алба хаагчийн өөрийн болон бусад хүний амь нас, эрүүл мэндэд ноцтой хохирол учруулж болохоор үйлдлийг өөр аргаар таслан зогсоох боломжгүй болсон нөхцөлд галт зэвсэг хэрэглэж болно. Тухайлбал, 2008 онд болсон эмх замбараагүй байдлын үеэр төмөр хайс сугалаад цагдаа руу бүлэглэн дайрсан, олуулаа нийлж цагдааг зодож хүндээр гэмтээсэн зэрэг хуульд заасан нөхцөл байдал нэг биш үүссэнийг телевиз болон албаны бичлэгээс одоо ч үзэж болно. Харин цагдаагийн алба хаагч нарт шаардлагатай зэвсэг, түүний дотор галт зэвсэг байгаагүйгээс довтолгооныг тухай бүрт нь таслан зогсоож чадаагүй нь илт анзаарагддаг.

-Үймээний үеэр тухайн үед Ерөнхийлөгч асан Н.Энхбаяр зарлиг гаргаж онц байдал тогтоосон. Харин үймээнийг намжаахад цагдаагийн алба хаагчид галт зэвсэг хэрэглэсэн хэмээн буруутгаж байна. Яагаад зарлиг гаргаж эрх олгосон хүнд бус үүрэг гүйцэтгэсэн цагдаагийн дарга нартай л ял  тооцох ёстой гэж?

-Энд хоёр өөр зүйл ярьж байгаа юм. Нэг нь “Эмх замбараагүй байдлыг таслан зогсооход галт зэвсэг битгий хэрэглэ” гэсэн үүрэг өгсөн тухай. Эмх замбараагүй байдлыг таслан зогсоох зорилгоор олон нийтийн эсрэг галт зэвсэг хэрэглээгүй гэдэг дээр маргаангүй гэж би ойлгодог. Үүнтэй холбогдуулж нэг зүйлийг нэмж хэлмээр байна. Онц байдал тогтоосон Ерөнхийлөгчийн 194 дүгээр зарлигт “Цагдаад байгаа бүх зэвсэг, техник хэрэгслийг ашигла” гэсэн заалт байдаг. Тэгвэл галт зэвсэг хэрэглэсний төлөө цагдаагийн ямар ч тушаалын алба хаагчид хариуцлага тооцох аргагүй. Мөн Цагдаагийн байгууллагын тухай хуулийн 40 дүгээр зүйлд заасан нөхцөл үүссэн тохиолдолд цагдаагийн алба хаагч галт зэвсэг хэрэглэх эрхтэй, бас үүрэгтэй. Монгол Улсын хуулийн заалтыг өөрчлөх, Цагдаагийн байгууллагын тухай хуулийн 40 дүгээр зүйлийг дагаж мөрдөж болохгүй гэсэн тушаал өгөх эрх Ерөнхийлөгчид байхгүй шүү дээ.

-Цагдаагийн алба хаагчдад зайлшгүй тохиолдолд галт зэвсэг хэрэглэх шийдвэрийг хэн, хаанаас өгдөг юм бэ?

-Цагдаагийн аль ч шатны байгууллагын дарга бүх алба хаагчдаа дагаж яваад “Одоо зэвсэг хэрэглэ, одоо хэрэглэж болохгүй” гэж тушаах боломжгүй. Тиймээс алба хаагч өөрөө шийдвэрлэж, үр дүнг өөрөө хариуцахаар хуульд заасан байдаг.

-Цагдаагийн ерөнхий газрын даргын үүрэг гүйцэтгэгч Ч.Амар­болд генералыг буруутгах үндэслэл байж болох уу?

-2008 оны долоодугаар сарын 1-ний үйл явдлын тухайд Дотоодын цэргийн командлагчид хариуцлага хүлээлгэх үндэслэл байхгүй. Нэгдүгээрт, цагдаагийн байгууллага, дотоодын цэрэг тусдаа хуультай. Өөр бүтэц, бие бүрэлдэхүүн, зэвсэг, техниктэй. Мөн өргөдөг тангараг нь тусдаа шигээ дүрэмт хувцас, албаны дүрмүүд нь ч өөр. Товчоор хэлбэл, хоёр өөр байгууллага. Хоёрдугаарт, 2008 онд тогтоосон Онц байдлыг хэрэгжүүлэхэд дотоодын цэрэг оролцоогүй. Дотоодын цэргийн бие бүрэлдэхүүнээс цэргийн алба хаахтай холбоотой ямар нэг харилцаа үүсээгүй. Гуравдугаарт, тэр үед дотоодын цэргийн ямар нэг албан хаагч галт зэвсэг хэрэглэсэн, эсвэл дотоодын цэргийн мэдэлд байсан бууг хэрэглэсэн тухай баримт, мэдээ, гомдол байхгүй. Дөрөвдүгээрт, цагдаа, тагнуул зэрэг Зэвсэгт хүчний бус байгууллагын албан хаагчдыг цэргийн алба хаагчидтай адилтган цэргийн гэмт хэрэгт шийтгэдэг байсан социализмын үеийн хуулийн заалт УИХ-аас 2008 оны хоёрдугаар сарын 1-нд Эрүүгийн хуульд оруулсан өөрчлөлтөөр хүчингүй болсон. Энэ дөрвөн зүйлийг базаж хэлбэл, 2008 онд тогтоосон Онц байдлыг хэрэгжүүлэхэд, ЦЕГ-ын даргын үүрэг гүйцэтгэгчийн хийсэн ажлыг Дотоодын цэргийн командлагчийн хувьд хийсэн үйлдэл гэж мушгивал цэвэр хэлмэгдүүлэлт болно. Одоо цагт тийм цагаандаа гарсан хэлмэгдүүлэлт гарах орон зай байхгүй гэдэгт итгэж байна.

-Өршөөлийн хуулиар нэгэнт хаагдсан хэргийг сэргээж, цэргийн гэмт хэрэг болгож байгаа учраас дээрээс заавал шийт гэх үүрэг өгсөн байх гэж цагдаагийнхан итгэсэн бололтой?

-“Дээрээс” гэж Ерөнхийлөгчийг хэлж байна уу. Би Ерөнхийлөгчийн дэргэд хэдэн жил ажилласан. Улстөрчид бол ортой, оргүй хардуулж, элдвээр хэлүүлж байх хувьтай хүмүүс. Төрийн тэргүүн хэн ч байсан тийм болчимгүй, богино бодолтой байна гэж үгүй. Өршөөлийн хуульд хамрагдсан хэргийг сэргээсэн нь үнэхээр ойлгомжгүй, Үндсэн хуулийн Цэц л зөв, бурууг хэлэх байх.

-Сүүлийн үед цагдаагийн алба хаагчид дээрх асуудалтай холбоотойгоор тэмцэх, ажил хаях талаар ярих боллоо. Төрийн тусгай алба хаагчдад ийм эрх бий юү?

-Шүүх засаглалын байгууллага, албан тушаалтан алдаа гаргаж, эсвэл бүр санаатай буруу ажиллаж, хуулийн дагуу үнэнд хүрэх замыг хааж, улмаар дээшээ тэнгэр хол, доошоо газар хатуу болсон хүмүүс боломжтой, чадах аргаа хэрэглэхээс өөр замгүй болох нөхцөл бүрдэж болзошгүй. Өөрөөр хэлбэл, тэмцлийн замд түлхэж оруулдаг. Эрх ашгаа хамгаалах, тэмцэх эрх бүх хүнд, түүний дотор цагдаад бий. Хамгийн гол нь цагдаагийн алба хаагчид албаны онцлогоо мартаж болохгүй. Би 1995 онд ЦЕГ-ын даргаар ажиллаж байхдаа санаачилж, Цагдаагийн ажилтнуудын Үйлдвэрчний эвлэл байгуулсан. Түүнийг бүртгэхээс цааргалсаар, сонгууль хүлээсэн хүмүүс нь олигтой ажиллахгүй байсаар унтраасан. Зохион байгуулалтад орж, хүчээ нэгтгэсэн цагт л амжилт олно. Үүнийг хийх хамгийн зөв хэлбэр нь Үйлдвэрчний эвлэл болов уу гэж боддог. Цагдаагийн алба хаагчдын, эсвэл тэтгэвэрт гарсан алба хаагчдын төрийн бус байгууллага байгуулах гэж байгаа талаар сонссон. Тийм байгууллага байж болно. Гэхдээ түүнийг цагдаагийн алба хаагчдын эрх ашгийг хамгаалахаар төрийн хийх ажлыг орлон хийдэг байгууллага болгож болохгүй. Буруу санаатай хүмүүсийн гар хөл болгож бүр ч болохгүй. Офицер, цагдаа нар өөрсдөө явж хөөцөлдөхөөс өөр аргагүй байдалд хүргэж, бие бүрэлдэхүүнийг бужигнуулахгүй байвал зүгээр сэн.

-Онц байдал зарласны дараа цагдаагийн алба хаагчид хүмүүсийг олноор нь баривчилсанд иргэд ихээхэн бухимдсан. Гэтэл цаана нь уг байдлыг далимдуулсан гэмт этгээдүүдийн хууль бус үйлдлийг таслан зогсоосон цагдаагийн алба хаагчдын үйл ажиллагааг хэн ч анзаардаггүй, бас ярьдаггүй. Миний санахад, онц байдал зарласны дараа цаг даагийнхан хэрхэн ажилласан талаараа тухайн үеийн эрх бүхий албан тушаалтнууд ярих цаг болсон гэж боддог. Тэгээд ч хүн хэлэхээс нааш ухаардаггүй гэдэг биз дээ?

-Онц байдлын тухай хуулийн наймдугаар зүйлд “Онц байдал тогтоосон шийдвэрийг хэрэгжүүлэх ажлыг удирдан зохион байгуулах чиг үүргийг Монгол Улсын Үндэсний аюулгүй байдлын зөвлөл эрхлэн гүйцэтгэнэ” гэж заасан. Бас Онц байдлыг хэрэгжүүлэх штаб ажиллаж байсан. Иймээс онц байдлын үед галт зэвсэг хэрэглэх асуудал бүхэлдээ цагдаа, цэргийн байгууллагын дарга нарын мэдлээс гарч Аюулгүй байдлын зөвлөл, штабт шилжсэн. Онцгой нөхцөл байдал буй болж, “удирдан зохион байгуулах” үүргийг Аюулгүйн зөвлөл гартаа авчихаад байхад хэдэн цагдаагаар оролдож байгаа нь зөөлөн хэлэхэд ойлгомжгүй, шууд хэлэхэд арчаагүй бөгөөд бүтэлгүй явдал. Бүтэлгүй юмнаас сайн юм гарахгүй нь лав. Тиймээс энэ асуудал сунжрах тусмаа муу байж болох магадлалтай. 2008 оны долоодугаар сарын 1-ний эмх замбараагүй байдал бол сонгуулийн санал хураалтын дүнд бухимдсан хүмүүсийн урсгалаараа гаргасан үйл явдал биш. Санал хураалтын дүн гарахаас бүр өмнө бэлтгэж, зохион байгуулж эхэлсэн үйл ажиллагаа. Хүн амын олонх нь үүнийг ойлгож, мэдэж байгаа. Болсон явдлыг далайцтай, гүнзгий шалгаж, үнэн мөнийг ард түмэнд мэдээлэх нь эрх баригч МАН, АН хоёрын удирдлагын, бас ард түмний эв нэгдлийн илэрхийлэл болсон Ерөнхийлөгчийн үүрэг мөн. Дөрвөн хүний амийг хороосон буруутныг олохын оронд цагдаагийн удирдах дөрвөн ажилтныг хариуцлагад татаж яллавал аймшигтай эндүүрэл болно. Магадгүй асуудлыг хурцатгахгүй гэсэн мэт харагдаж болох энэ хандлага цаашилбал асуудлыг бугшуулах, дахин босож ирэх, тэгснээрээ нийгэмд эмх замбараагүй байдал үүсгэхэд хүргэж мэднэ. Түүхийн үнэнийг нууж болдоггүй, жинхэнэ нүүр царайгаар нь олонд харуулж л таарна, тэгэхдээ тун удахгүй гэдгийг одоо цагт эрхбиш ойлгомоор. Өөрөөр хэлбэл, эрх баригчид хийх ёстойгоо юмаа хийхгүй, магадгүй хийхийг хүсэхгүй байна.

-Ярилцсанд баярлалаа.

У.Оргилмаа

"Улс төрийн тойм" сонин

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

zochin 2012-02-15 202.179.8.156

General Purev mash eruul setgej toriin khunii ukhaan zaaj
yarisan bna.Mongol tord nastai khuniig unelmeer baigaa yum.shiidekh
gartziig mash todorkhoi khelj.SHTABIIN DARGA MONKHORGIL khaana nuugdaj bna.ARCHAAGIU NOBSH.

Avatar

njuty 2012-02-15 202.179.10.150

Энэ асуудал бол явж явж МАХН-МАН-ын гай,сонгуулийэн дүн гараагүй байхад манай нам яллаа гэж зарлан архидсан яриа байдаг,олон түмэн уулзахаар очиход Баяр гарч ирээгүй зэргээс болж жагсаал бужигнаан болсон гэдэг,уг нь ийм байдалд хүргэхгүй байх боломж байсан,онц байдлын зарлигт цагдаа бүх з****г техникээ ашигла гээд заачихсан болохоор 4 даргыг буруутгах үндэс муутай,хэрэв шийтгэдэг дээрээ тулвал шийтгэх субект нь бэлэн байгаа шүүдээ,даанч халдаж чадахгүй,чадах нь цагдаа л болохоос биш,хэхрэвээ цагдаахгийн 4 даргыг шийтгэх юм бол цагдаа бүхэлдээ тарах татан буугдахад хүрэнэ биздээ.

Avatar

Зочин 2012-02-15 202.70.45.102

цагдаа тагнуулынхнаас өөр хэн буудах вэ дээ

Avatar

Зочин 2012-02-15 207.93.211.50

Bas l yumiig oor oncgoos ni harj nuhactai alsiig harj helsen baina daa. Uls torchid tuunii dotroos eronhiilogch tarvaga Elbegee mongol ulsiig yamar bolgoh geed cagdaa ard tumen 2-iig muudalcuulah geed baigaa yum bol doo. Ene ch neeh sain ur dund hurehgui hulgaich nar davrahiin dohio doo. Burhan medeh boltugai

Avatar

Зочин 2012-02-15 202.180.220.86

энэ Тэмүжин гэдэг нөхөр нугалаа хийж,үүргээ гүйцэтгэж явсан цагдаа нарыг хилс хэрэгт оруулж байгаа шүү Яг 1937 он шиг. АН-ынхан ч мөн ижил нугалаа хийж, цагдаа нарыг ялд унагаж байгаагаа гэмт хэргээ ужхаарах хэрэгтэй юм. АН-ын өмнөөс энэ улс төрийн нугалааг гардан зохион байгуулагч нь Тэмүжин мөн. ЭНЭ нөхөр ер нь их өөдгүй хүн чанаргүй арчаагүй н**ш байна. ийм асуудлыг барьж авч улс төр хийгээд яах юм. Бурхан энэ нөхөрт хариуг нь өгөх байхаа

Avatar

а******н байх бололцоотой Пүрэв 2012-02-15 83.172.89.14

Цагдаад байсан бүх хүн ийм бололцоот алуурчид болчихдог юм байна. Энэ хүн байсан бол бас хүн буудах нь л дээ. Ер нь Монголын цагдаа гэж новшнууд байнаа.

Avatar

зочин 2012-02-15 202.179.20.169

тушаал биелүүлсэн цагдаа буруутахгүй гэж бодож байна дураараа б** аваад хүн буудаагүй юм шүү төрийн тусгай албан хаагч тушаалаар явдаг тушаал өгсөн дарга хариуцлагаа хүлээдэг юм шүү дээ ерөнхийлөгчийн зарлигт цагдаад байгаа бүх хэрэгслийг ашигла гэсэн гэж байгаа биздээ цагдаа хуулинд заасан үүргээ биелүүлсэн гэж бодож байна тухайн үеийн ерөнхийлөгч Н.Энхбаяр ерөнхий сайд С.Баяр нар л хариуцлага хүлээх ёстой болов уу даа МОНГОЛЫН ЦАГДАА улс төрчдийн золиос болохгүй шүү

Avatar

goe 2012-02-15 210.101.196.59

tegvel ene pureveer shiiduule . buurunhuu bolson bna daa ene ugaasaa ardchillaliig darj bsan daa

Avatar

Зочин 2012-02-15 202.70.44.202

purebee chi tsagdaag zabhruulagchdiin neg unuugiin tsagdaag iim bolgoson etgeetuudiin neg uuruu shuudee

Avatar

Зочин 2012-02-15 202.70.44.202

negiigee hamgaalah geheeree yu ch hamaagyi burj humuusiin tolgoi erguuleed hereggui

Avatar

Зочин 2012-02-15 202.70.44.202

negiigee hamgaalah geheeree yu ch hamaagyi burj humuusiin tolgoi erguuleed hereggui

Avatar

1ОООзахиа с о м 2012-02-15 202.126.91.167

ЛИЗИНГЭЭР АВАХ БОЛОМЖ Ta хvссэн нөvтбvvкээ монголийн зах зээлийн vнээс хямдаар авхийг хvсэж байна уу тэгвэл манайхаар ороод vзээрэй мөн та бvхэндээ бэлэг болгож VНЭГVЙ АНТИВИРУС болон ДЭЛХИЙН СОНГОДОГ ЗОХИОЛУУД-г өргөн бариж байна Манайх Монголдоо хамгийн хямд нь хэрвээ та манайхыг хамгийн хямд нь гэдэгт эргэлзэж байгаа бол манай дээр байгаа комьютерuuдийн uнийг, uзuuлэлт, өнгө uзэмж, брэнд нэртэй нь цуг бичиж аваад өөр дэлгuuрuuдээр ороод харьцуулаад хараарай Манайх бuх бараагаа Америкаас оруулж ирдэг бөгөөд бuгд Америк стандардын дагуу uйлдвэрлэгдсэн, 100 оригналь, цоо шинэ, uйлдвэрийхээ баглаа, боодол, битuuмжлэлтэйгээ байдаг Манайх бuх электрон бараандаа 3 сарын баталгаа өгж байгаа Эцэст нь, та манайхаас зuгээр л бараа аваад uз гэж хэлмээр байна Сэтгэл ханамжийн баталгаа 100 байна гэдэгт бид 100 итгэлтэй байна Баярлалаа Монголын хамгийн хямд интернет дэлгuuр3

Avatar

Зочин 2012-02-15 122.201.18.136

Энэ п***а АИХ-дээр МАХН ба бусад нам гэдэг үг үндсэн хуульд оруулна гэж их лалартсан.Бас мал төрийн хамгаалалтанд гэсэн дэлхийд байхгүй шог заалт оруулсан н**ш. Аятайхан зөнөхгүй монгол улсад гай тарьсан Үүний балагаар ХААЯ гэж луйварын яам татвар төлөгчийн мөнгөөр заваарч байна. Дээр нь Бадамжунай гэж төрийн газрын албан ёсны авилгач оччихсан байдаг. Энэ бүхнийг сонгогчид эсэргүүцсэн юм. Хүн алсан нь бүр цуглаан тарсаны дараа болсон хууль бус зүйл . Цагдаа нар чулуугаар нүүлгүүлсний хариу авах зугаацах гэж хүн алсан. Баривчлагдсан 800 залуусыг яаж тамалж байсныг бичиж авсан байдаг. Монголын цагдааг дараагийн засгийн газар хөөж тараах болно. Шинэ полицег үндсээр нь өөрчилж цэргийн эрсээр зохион байгуулж гэмт хэрэгтэй тэмцэхийг гадаад оронтой хавсарах болно

Avatar

Оогий 2012-02-15 202.70.33.154

Зүгээр харж байгаад бүх юмаа шатаалгах ёстой юм шиг. Тэмүүжин гэж хөгийн амьтан аягүй бол өөрөө гол буруутан байж ч мэднэ.Ажил үүргээ гүйцэтгэж байсан цагдаа нарын гавьяаг харин урамшуулах хэрэгтэй. Цагдаа нараа босоочээ. Та хар ямар ч буруугүй гэдэгт итгэж бна.

Avatar

Зочин 2012-02-15 49.0.143.56

ontsgoi baidal togtooson ued bolson bolohoor tsergiin gemt heregt orohgui gej uu?

Avatar

laa 2012-02-15 180.149.93.20

tegvel tsolgui bolooch de

Avatar

tsereg 2012-02-15 202.70.42.202

ih delgvvriin nyarab ubgunuur tsagdaagiin darga hiilgej bsan bgaa yum.ichdeggvi hylgaich yadaj tsergiin alba naasan bol ingej gonjignohgvi

Avatar

irgen 2012-02-15 202.70.42.202

hylgaichuud hubiin amidraldaa zvtgesen bolhoos turd zutgeseniig sanahgvi yum bna.eriin muu tsagdaa gej.eriin hiimori armi shvv dee

Avatar

Зочин 2012-02-15 202.131.225.251

Аргагүй хуучин бууны хугархай гэж мөн ч чигжүү байна шүү алсаасаал нэг юм хэлээд байна даа

Avatar

Зочин 2012-02-15 202.131.233.187

Tordoo zutgesen humuus etsest ni iim l boldog yum baina.

Avatar

egel tsereg 2012-02-15 202.70.42.202

tsagdaagiin darga nart hedhen sariin nas vldjee

Avatar

tsagdaa 2012-02-15 202.70.42.202

hulgaichuud aa tegbel tsergiin gabyanii ulaan tugiin odon tsergiin gabyanii odongoo huraalga za.ichdeggvi hulgaichuud

NewsMN Гар утасны хувилбар Татах
NEWS.mn

Мэдээллийн эх сурвалж