Сар шинийн баярын өдрүүдэд даархын зовлонгүй тааваараа золгуут хийж болох нээ. Учир нь энэ долоо хоногоос эхлэн цаг агаар харьцангуй дулаарах ажээ. Улаанбаатарт шөнөдөө -22-27, өдөртөө -10-17 хэмийн хүйтэнтэй байх тухай цаг уур орчны шинжилгээний газраас мэдээлж байна. Өнөөдөр баруун болон төвийн нутгийн зарим газраар, 15,16-нд зүүн зүгийн нутгаар бага зэргийн цас орж, явган шуурга шуурах ажээ. Эдгээр өдрүүдэд говь талын нутгаар секундэд 7-12 метрийн хүчтэй байна гэнэ. Хугацааны эхний хагаст хүйтэн Увс нуур, Дархадын хотгор, Идэр, Тэс голын сав газраар шөнөдөө 37-42 хэм, өдөртөө 25-30 хэм, Хангай, Хөвсгөлийн уулархаг нутаг, Хараа, Ерөө, Туул, Хэрлэн голын сав газраар шөнөдөө 30-35 хэм, өдөртөө 18-23 хэм, Алтайн өвөр говь болон говийн нутгийн баруун хэсгээр шөнөдөө 17-22 хэм, өдөртөө 6-11 хэм, бусад нутгаар шөнөдөө 25-30 хэм, өдөртөө 14-19 хэм хүйтэн байна.