Говь-Алтай аймгийн Эрдэ­нэ суманд нэн хүчтэй шороон шуурга дөрвөн цаг гаруй үргэлжлэн шуурснаар иргэд, байгууллагуудад ихээхэн хэмжээ­ний хохирол учруулсан байна. Нийтдээ 19 айлын гэр унаж, 28 машины шил хагарч, таван албан байгууллагын 41 цонх хагарч, 28 барилгын дээвэр хуурсан байна. Мөн 60 гаруй хашаа,  гэрлийн  шон­гийн мод унаж, зургаан айлын нарны гэрэлтүүлгийн толь хагарсан гэнэ. Сумын цаг уурын ажиглах станц салхины хурдыг 20 м/сек-ээс дээшихийг хэмжиж чаддаггүй юм байна. Аймгийн ОБХ-ээс шуурхай ажлын хэсэг гарч шуурга болсон газрын нөхцөл байдалтай танилцан үнэлгээ дүгнэлт гаргах, хохирлын хэмжээг тогтоох ажлыг хийж байна хэмээн “Монцамэ” агентлаг мэдээллээ.