Ардчилсан намын дарга Н.Алтанхуяг өнөөдөр 11.00 цагт “Мишээл экспо” худалдааны төвд нээгдээд байгаа “Монголд үйлдвэрлэв” үзэсгэлэнд зочилж, жижиг, дунд үйлдвэрлэл эрхлэгчидтэй уулзахаар болсон байна. Тэрбээр Тэргүүн шадар сайдаар ажиллаж байхдаа  үйлдвэржилтийн бодлогыг хариуцдаг байсан юм. Энэ хүрээнд жижиг, дунд үйлдвэрийг хөгжүүлэх бодлого түүний гарт төвлөрч, олон нааштай ажлуудыг эхлүүлж чадсан билээ. Харин одоо үр дүн ямар байгааг ийнхүү өөрийн биеэр шалгахаар шийдсэн бололтой.