Жазз хөгжим сонсогчдын анхаарлыг татаж буй нэгэн хамтлаг бол “Kush and Oyuka” юм. Тэдний гурав дахь тоглолт өнөөдөр Улсын филармонийн концертын танхимд болох гэж байна.  Энэ үдэш “Kush and Oyuka” нар Michael Buble, Jamie Cullum нарын дууг эгшиглүүлэх ажээ. Тоглолтод урилгаар дуучин Ч.Цэлмүүн болон морин хуурч Н.Жигжиддор, Б.Уянга нар оролцох юм.

 “Kush and Oyuka” нь өмнө нь “Фрэнк Синатра ба Диана Кралл” нэртэйгээр анхны тоглолтоо хийж байсан бол зул сарын баяраар “Dreaming of a White Christmas” тоглолт тавьж байсан юм.