Сар шинийн өмнөхөн Улсын дуурь, бүжгийн эрдмийн театрын уран бүтээлчид үндэсний Б.Дамдинсүрэнгийн “Учиртай гурван толгой” дуурийг маргааш тайзнаа тоглох гэж байна. Гурван бүлэг, таван үзэгдэлт энэхүү дуурийг Урлагийн Гавьяат зүтгэлтэн, театрын ерөнхий удирдаач Н.Туулайхү удирдан тоглуулах юм. “Учиртай гурван толгой” дуурийн анх 1934 онд дуулалт жүжгийн хэлбэрээр Д.Намдаг найруулан тавьж байсан юм.

Энэ удаагийн “Учиртай гурван толгой” дуурьд Юндэнд Гавьяат жүжигчин, дуурийн гоцлол дуучин М.Болд, Нансалмаад Соёлын тэргүүний ажилтан Ш.Наранчимэг, Хоролмаад Гавьяат жүжигчин С.Мөнгөнцэцэг, Балганд Э.Бумхүү, Худалдаачинд Соёлын тэргүүний ажилтан Ц.Баттөр, уртын дууч Б.Батболд, бүүвэйч Соёлын тэргүүний ажилтан М.Дариймээ, ард өвгөнд Соёлын тэргүүний ажилтан А.Сайнбаяр, замсын тосуулд Б.Гомбо-Очир, Б.Алтанхуяг, согтуу ноёнд Ч.Чинзориг болон найрал дуучид, балетын бүжигчид тоглох нь ээ.