Иран 200-400 мянган тонн импортын улаан буудайн үнийг алт ба нефтиэр төлөх санаатай байна. Энэ тухай үр тарианы экспортлогчид мэдээлснийг Reuters дамжуулжээ. Тэдний нэг нь уг наймаанд хэд хэдэн худалдааны компаниуд оролцоно гэж мэдээлсэн байна.  Бартер хийх тухай саяхан мэдэгдсэн учраас төлбөрийг хэрхэн яаж явуулах талаар тодорхой биш байгаа гэнэ. Иранд өмнө хийгдсэн гэрээний төлбөр хийх боломж хаагдсан учир дал модны масло, цагаан будаа ба эрдэнэ шиш, энэтхэг цайны нийлүүлэлтэд нь хүндрэл гарчээ.

Импорттой холбоотой хүндрэл Иранд олон улсын хориг тавигдсаны дараа гарч ирэв. Нэгдгээр сарын сүүлчээр Европын банкууд исламын улсад хүнсний нийлүүлэлтийн санхүүжилтийг явуулахаа зогсоожээ. Өмнөх сарын сүүлчээр Европын холбоо Иранд нефтийн хориг ба эдийн засгийн нэмэлт хоригуудыг тавьсан юм. Америк, Европ  хоёр Ирантай наймаа хийхдээ доллар ба евро ашигладаг санхүүгийн байгууллагуудын эсрэг хориг тавихаар шийдэх болно.

Тегеран валютын тооцоондоо тус орноос нефть авахыг хориглосон хориг хүчин төгөлдөр болох долдугаар сарын 1-нээс улам их хүндрэлтэй тулгарна. Одоохондоо валютын цорын ганц эх сурвалж болсон түүхий эдээ Иран үргэлжлүүлэн гаргасаар байна.