“Бид өнөөдөр” үзэсгэлэн нээгдлээ | News.MN

“Бид өнөөдөр” үзэсгэлэн нээгдлээ

Хуучирсан мэдээ: 2012.02.10-нд нийтлэгдсэн

“Бид өнөөдөр” үзэсгэлэн нээгдлээ

Дүрслэх урлагийн дунд сургуульд театрын тайз засал, зураасан зураг мэргэжлээр 1974-1978 онд суралцаж төгссөн “4а” ангийн төлөөлөл болсон уран бүтээлчид “Бид өнөөдөр" нэртэй анхны хамтарсан уран бүтээлийн үзэсгэлэнгээ толилууллаа. Монголын урчуудын эвлэлийн үзэсгэлэнгийн танхимд өнөөдөр 16.00 цагт нээлтээ хийсэн эл үзэсгэлэнд тус ангийнхны 120 гаруй бүтээлийг дэлгэжээ. Тэд ангийн багш С.Дамдинжав, Театрын группийн багш Ардын зураач Ч.Гунгаасүх, Зураасан зургийн группийн багш  Ж.Пүрэвдоржын удирдлага дор суралцаж төгссөн гэнэ. Мөн Ардын зураач Д.Амгалан багш зохиомжийн хичээл зааж, Урлаг судлалын шинжлэх ухааны доктор, профессор Л.Батчулуун багш монголын дүрслэх урлаг, Төрийн шагналт зураач Д.Пүрэвсүх дэлхийн урлаг, До.Болд багш хар зураг гээд урлагийн нэрт зүтгэлтнүүд, мөн өндөр мэдлэг, боловсролтой олон сайхан багш нар тус ангид хичээл зааж байсныг дурсан ярьсан юм. 1970-аад оны үед Дүрслэх урлагийн дунд сургууль улсын хэмжээнд сургалт, үйл ажиллагаагаараа тодорч байсан. Тэр үеийн сурагчид жинхэнэ уран бүтээлч болох эрмэлзлэл нь оргилсон хөдөлмөрч дайчин хүүхдүүд байсныг энэ сургуулиас төрсөн уран бүтээлч нөхдүүд онцлон тэмдэглэдэг юм. Тунгааж үзэхэд өнөөдөр дүрслэх урлагт тодорсон ихэнх нэртэй уран бүтээлчид чухам тэр 1970, 80-аад оны үед суралцаж байжээ.

Тиймдээ ч энэ л ангиас Төрийн шагналт зураач Ц.Цэгмэд, Монголын урчуудын эвлэлийн шагналт зураач Ж.Ганхүү, Б.Насанцэнгэл, Ц.Эрдэнэцог, шинэ зууны монголын зураасан зургийн нэрт төлөөлөгч Ж.Болд, “Мандухай сэцэн хатан”, “Мөнх тэнгэрийн хүчин дор”, “Говийн зэрэглээ” гээд кино урлагийн дорвитой бүтээл бүтээлцсэн зураач Р.Төгөлдөр, “Гарьд магнай”, “Гарын таван хуруу” киноны ерөнхий зураач Д.Энхболд, олон өгүүллэг болон роман бичсэн зохиолч, зураач П.Баатарсүрэн, доктор, профессор Ц.Эрдэнэцог, монументаль урлагийн олон сайн бүтээл туурвисан зураач Д.Наранжав нар төрөн гарч бүтээлээрээ олны танил эрхмүүд болсон билээ.

Өнөөдөр эдгээр зураачид уран зургийн төрөлд дорвитой сайн бүтээлүүд хийж байгааг Ж.Ганхүү, Б.Батбилэг нарын байгалийн уран зураг, Ц.Цэгмэд, Ц.Бат-Энх, Х.Үнэн-Энх нарын сэтгэлгээний сэдэвт бүтээл, Р.Төгөлдөрийн түүхийн сэдэв зураг, Б.Насанцэнгэлийн хөрөг зургийн бүтээл зэргээс харж болно. Тэд арван наймуулаа энэхүү ангийг төгссөн. Зарим нь гадаад оронд амьдарч байгаа ч энэ үзэсгэлэндээ уран бүтээлийнхээ цомгийг илгээжээ.

Үзэсгэлэнг зохион байгуулагчид “Энэ анхны үзэсгэлэнгээр “Бид өнөөдөр” ямар уран зураг зурж, юу бүтээж байгаагаа олон түмэндээ дэлгэн үзүүлэхийг зорьсон. Манай ангийн нөхдүүдээс сайн бүтээл туурвиж монголын дүрслэх урлагийн санг хөгжүүлнэ гэдэгт итгэлтэй байна” хэмээн  онцоллоо.


Гэрэл зургийг ЭНД дарж үзнэ үү.

Г.Даша

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2012-02-10 92.224.187.200

goyo zuragnuud bna

Avatar

1ОООзахиа с о м 2012-02-10 202.126.91.167

ЛИЗИНГЭЭР АВАХ БОЛОМЖ Ta хvссэн нөvтбvvкээ монголийн зах зээлийн vнээс хямдаар авхийг хvсэж байна уу тэгвэл манайхаар ороод vзээрэй мөн та бvхэндээ бэлэг болгож VНЭГVЙ АНТИВИРУС болон ДЭЛХИЙН СОНГОДОГ ЗОХИОЛУУД-г өргөн бариж байна Манайх Монголдоо хамгийн хямд нь хэрвээ та манайхыг хамгийн хямд нь гэдэгт эргэлзэж байгаа бол манай дээр байгаа комьютерuuдийн uнийг, uзuuлэлт, өнгө uзэмж, брэнд нэртэй нь цуг бичиж аваад өөр дэлгuuрuuдээр ороод харьцуулаад хараарай Манайх бuх бараагаа Америкаас оруулж ирдэг бөгөөд бuгд Америк стандардын дагуу uйлдвэрлэгдсэн, 100 оригналь, цоо шинэ, uйлдвэрийхээ баглаа, боодол, битuuмжлэлтэйгээ байдаг Манайх бuх электрон бараандаа 3 сарын баталгаа өгж байгаа Эцэст нь, та манайхаас зuгээр л бараа аваад uз гэж хэлмээр байна Сэтгэл ханамжийн баталгаа 100 байна гэдэгт бид 100 итгэлтэй байна Баярлалаа Монголын хамгийн хямд интернет дэлгuuр6

NewsMN Гар утасны хувилбар Татах
NEWS.mn

Мэдээллийн эх сурвалж