Булган сумын сургуулийн хичээлийн байр шатжээ | News.MN

Булган сумын сургуулийн хичээлийн байр шатжээ

Хуучирсан мэдээ: 2012.02.10-нд нийтлэгдсэн

Булган сумын сургуулийн хичээлийн байр шатжээ

Ховд аймгийн Булган сумын 12 жилийн дунд сургуулийн хичээлийн хоёрдугаар байр өчигдөр өдрийн 11.00 цагийн орчим дээврээсээ эхлэн шатаж эхэлжээ. Улмаар аймгийн онцгой байдлын алба хаагчид 16.00 цагийн орчим галыг бүрэн унтраасан ч нэг давхар тус барилга бүхэлдээ  шатаж дууссан байна.

Булган сумын сургууль нь хичээлийн хоёр байртай, шатсан хоёрдугаар байранд хоёр ээлжээр 16 бүлэг хичээллэдэг байжээ. Урьдчилсан байдлаар галын шалтгааныг цахилгааны богино холбоо үүссэнтэй холбон тайлбарлаж байна. Гал гарах үед зарим ангиуд хичээллэж байсан бөгөөд сургуулийн удирдлагууд, онцгой байдлын алба хаагчид багш, сурагчдыг  галын бүсээс гаргасан байна. Улмаар анги танхимын  ширээ сандал, эд хошнлийн 60 хувийг гаргаж, архив, нягтлан бодогч болон нярвын бичиг баримтыг галд шатахаас сэргийлж, цонхоор гаргажээ. Галыг унтраахаар аймгийн онцгой байдлын 105 дугаар анги, цагдаагийн тасаг, сумын орон тооны бус онцгой байдлын штаб, мэргэжлийн ангийн бүрэлдэхүүнээс бүрдсэн 300 гаруй хүн, таван техник машинтай  ажиллаж, галыг унтраажээ.

Галыг бүрэн унтраасны дараа Булган сумын Засаг даргын 05 тоот захирамж гарч, хохирлын хэмжээг тогтоох найман хүний бүрэлдэхүүнтэй комисс байгуулжээ. Тус хичээлийн байр нь 1959 онд ашиглалтад орж, 2010 онд их засвар хийсэн барилга юм байна.

С.Отгон

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Zochin 2012-02-10 24.242.235.153

oo, bi ter baishind 2 jil sursan yum. Erdmiin garaagaa ehelsen surguuli min ingeed shatchih gejdee, ter Bayarsaihan ntr ih zasvar hiilgesen mongonoos n ideed bailgui, yadaj tsahilgaaniig n aytaihan chanartai hiichihgui, daraa jiliin oron nutgiin songuulid oor oligtoi ardchilsan namiin hun gargaasai Bulganii Torguud, kazakuudaa!!!

Avatar

Уншигч 2012-02-10 202.131.227.133

Улмаар аймгийн онцгой байдлын алба хаагчид 16.00 цагийн орчим галыг бүрэн унтраасан ч нэг давхар тус барилга бүхэлдээ шатаж дууссан байна.
Ёстой ойлгосонгүй, онцгойхон унтраасан юм уу, байшин өөрөө шатаж дуусаад унтарсан юм уу?

Avatar

Уншигч 2012-02-10 202.131.227.133

Тэгээд онцгой байдлынхан галыг унтраасан юм уу эсвэл байшин бүрэн шатаж дуусаад унтарсан юм уу? Утгагүй юм бичих юмаа.

Avatar

davaa 2012-02-10 202.21.119.66

medeelel cain baina

NewsMN Гар утасны хувилбар Татах
NEWS.mn

Мэдээллийн эх сурвалж