Улсын хэмжээнд нэлээд томд тооцогдох биеийн тамир, спортын цогцолборыг Хэнтий аймгийн Өмнөдэлгэр суманд ашиглалтад орууллаа. Засгийн газрын Биеийн тамир спортыг хөгжүүлэх талаар төрөөс баримтлах бодлого, хөтөлбөрийн хүрээнд улсын төсвийн 275 сая төгрөгийн хөрөнгө оруулалтаар энэ цогцолборыг тус аймгийн “Суварга эв” компанийнхан барьжээ.

Уг спорт цогцолборын нээлтийн ёслолын зэрэгцээ “Манлай аварга” бөхийн дэвжээний нээлт болж, УИХ-ын гишүүн, хөдөлмөрийн баатар, дархан аварга Б.Бат-Эрдэнэ оролцсон байна.