Сонгодог урлагийн домог болсон оддын нэг Плачидо Доминго Ж.Вердийн “Хоёр Фоскари” дуурийн гол дүрд дуулна. Энэ дууриар Лос Анжелесийн дуурийн театр 2012-2013 оны шинэ улирлын нээлтээ ирэх есдүгээр сарын 15-нд хийх юм.

71 настай Доминго өөрөө энэ театрын ерөнхий захирлаар ажилладаг билээ. Бусад гол дүрд тенор хоолойт Франческо Мели, сопрано хоолойт Марина Поплавская нар дуулах ажээ.