Өмнөговь аймгийн Ханбогд сумын нутаг дэвсгэрт үйл ажиллагаа явуулдаг Оюутолгой  төслийн гэрээгээр хамтран ажилладаг байгууллага болох “CIS” ХХК-ийн ажилчдын байрладаг хэсгийн хашаанд иргэн З гэгч боомилсон байдалтайгаар нас барсан хэрэг өнгөрсөн оны арваннэгдүгээр сарын 18-ны шөнө гарч байсан билээ.  Тухайн үед иргэн З-г хятад ажилчид зодож, амь насыг нь хөнөөсөн тухай мэдээлэл олон нийтэд цацагдаж байсан юм. Тэгвэл Өмнөговь аймгийн прокрорын газраас эрүүгийн хэрэг үүсгэн шалгаад хятад ажилчид уг хэрэгт хамааралгүй болохыг тогтоожээ.