“Никитон, Никитон дуулж байна…”
 “Никитон”-ы дуулахыг удтал сонсоогүй фэнүүдэд нь баяртай мэдээ дуулгая. Монголын рок, поп урлагийн жинхэнэ супер залуус олон жилийн дараа бие даасан тоглолтын сураг дуулгаж байна.

“Никитон” хамтлагийнхан бүрэн бүрэлдэхүүнээрээ цуглан, фэнүүдээ доргиох энэ өдөр ирэх гуравдугаар сарын 6-ны үдэш байх нь ээ. Тэдний тоглолт “UB Palace”-ийн концертын их танхимд ганцхан удаа болох гэнэ.

Бачка, Өөжгий, Чинбаа… Өдгөө өөр өөрийн уран бүтээлээр дагнаж буй  “Никинтон”-чууд нэгэн тайзнаа цуглах тэр өдөрт онцгой ач холбогдол өгч байгаа сурагтай. Тэдний тоглолтод зориулж “UB Palace”-ийн концертын их танхимын дотоод заслыг өөрчилж байгаа гэсэн шүү. Тоглолтын ерөнхий зохион байгуулагчаар  “On’n Off” продакшн ажиллана. Сонирхуулахад,  “Никитон” хамтлагийнхан хамгийн сүүлд 2005 онд бие даасан тоглолт хийж байжээ.