УИХ-ын гишүүн З.Энхболд нарын АН-ын гишүүдийн боловсруулсан Орон нутгийн сонгуулийн хуульд нэмэлт, өөрчлөлт оруулах тухай хуулийн төслийг өнөөдөр 09.30 цагаас УИХ-ын даргад өргөн барих гэж байна. Төсөлд энэ жил болох УИХ, орон нутгийн бүх шатны Хурлын сонгуулийг хамтатган зургадугаар сарын сүүлээр зэрэг явуулж хүн хүч, зардал хэмнэх асуудлыг тусгаад байгаа юм.

Энэ төслийг өргөн барьснаар өмнө нь Д.Лүндээжанцан нарын МАН-ын бүлгийн гишүүдийн өргөн барьсан хоёр сонгуулийг тусад нь явуулах тухай төсөлтэй хамтатган УИХ-аар хэлэлцэх бололцоо нээгдэж байна.