УИХ-ын гишүүн Б.Бат-Эрдэнэ Улсын Их Хурлын тухай хуулийн долдугаар зүйлийн 7.1.13-т заасан бүрэн эрхийнхээ дагуу Монгол Улсын Ерөнхий сайд С.Батболд асуулга тавьжээ. Олон  Улсын Валютын сан, Дэлхийн  банк, Азийн хөгжлийн банк зэрэг байгууллагууд болон улс орнуудаас  Монгол  Улс 1990 оноос одоог  хүртэлх хугацаанд хэдэн сая ам.долларын зээл, тусламж, хөнгөлөлттэй зээл авсан. Тэдгээрийн  зээлийн хүү, эргэн төлөх хугацаа, тухайн  зээлийг  ямар  зориулалтаар  авсан,  хэрэгжилтийн үр  дүн, эргэн төлсөн үндсэн зээл болон зээлийн хүү, 2012 онд төлөх нийт зээл, зээлийн хүүгийн талаар тооцоо судалгаа, дэлгэрэнгүй  мэдээлэл,  танилцуулгыг  бэлтгэн  ирүүлэхийг эрхэм гишүүн хүссэн байна.

Асуулгын хариуг Улсын Их Хурлын тухай хуульд заасан хугацаанд бичгээр  ирүүлж, улмаар Улсын Их Хурлын 2012 оны хаврын чуулганы нэгдсэн хуралдаанд сонсгохыг Ерөнхий сайдаас хүсчээ.