Поп хатагтай Б.Сарантуяа Гэгээн хайрын баярт зориулан “Хайрын бэлэг” цомгоо бэлэн болгожээ. Маргааш “Чингис зочид” буудалд 12.00 цагт хэвлэлийн бага хурал хийн “Хайрын бэлэг” цомгоо нийтэд танилцуулах юм байна. Энэхүү цомог нь найман дуутай бөгөөд түүний шинэ уран бүтээлээс гадна хуучны сэтгэлд хоногшсон сайхан дуунууд багтсан юм байна. Тэрбээр шинэ цомогтоо “Айзам” хамтлагийн “Дурсамж” дууг багтаасан ба урлагийн гавьяат зүтгэлтэн Л.Балхжав, ая зохиогч Б.Ангирмаа нарын уран бүтээлүүд ч эгшиглэх нь ээ.