УИХ-ын Хууль зүйн байнгын хорооны хуралдаан болж, Хүний эрхийн дэд хорооны даргыг сонгох тухай асуудлыг авч хэлэлцлээ. Хүний эрхийн дэд хороог УИХ-ын гишүүн Х.Тэмүүжин тэргүүлдэг бөгөөд улираан сонгохыг байнгын хорооны хуралдаанд оролцсон гишүүд санал нэгтэй дэмжлээ. УИХ дахь Ардчилсан намын бүлгээс УИХ-ын гишүүн Х.Тэмүүжинг Хүний эрхийн дэд хорооны даргаар улираан сонгох санал гаргасныг ийнхүү дэмжсэн юм.

Мөн УИХ-ын Хууль зүйн байнгын хорооны даргаар УИХ-ын гишүүн Д.Одбаярыг улираан сонгохыг мөн дэмжлээ.