Өчигдөр NBA-гийн талбайд 10 тоглолт боллоо. “Филадельфи” талбайдаа “Лейкерс”-ийн хүлээн авч, 95:90-өөр ялалт байгуулсан.

Тус тоглолтод “Нуурууд” хожигдсон ч багийн лидер Коби Брайант 24 оноо түүж, өөрийн замналын 28.569 дэх оноогоо авчээ. Ингэснээр тэрбээр алдарт Шакил О Нилийг ардаа оруулж, бүх цаг үеийн тавдугаарт орлоо. Түүний өмнө домогт сагсан бөмбөгч Карим Адбул Жаббар, Карл Мэлоун, Майкл Жордан, Уилт Чемберлен нар бичигддэг.