УДЭТ-ын жүжигчин, Соёлын тэргүүний ажилтан Б.Эрдэнэцэцэг драмын урлагтаа үнэнч тул тэр бүр клип, зар сурталчилгаанд дүр бүтээгээд байдаггүй нэгэн.

Драмын театрын сайхан бүсгүйчүүдийн нэг тэрбээр анх “Элькондор” хамтлагийн “Бүсгүй минь” клипэнд тоглож байсан юм. Түүнд клипэнд тоглох санал их ирдэг ч ямар дуучны, ямар дууны юуг илэрхийлэх, ямар утгатай зэргийг харгалзан үзэж байж тоглох үгүйгээ шийддэг цензур өндөртэй гэнэ. Жүжигчин Б.Эрдэнэцэцэг сүүлийн үед клипэнд тоглоогүй удсан. Харин түүнд дуучин Ж.Алтанцэцэг клипэндээ тоглох санал тавин зөвшөөрүүлж чаджээ. Дуучин Ж.Алтанцэцэг хатны тухай дуу бүтээж байгаа бөгөөд жүжигчин бүсгүй хатны дүрд нь тоглох юм байна.