Их Хүрээг Нийслэл Хүрээ хэмээн нэрлэсний 100 жилийн ойд зориулан “Улаанбаатар” чуулгын уран бүтээлчид энэ сарын 18-нд 17.00 цагт “Хүрээ Хорвоо” ардын дуунаас үүдэлсэн аялгуут жүжгийг тоглох гэж байна. Тус жүжигт хүрээний гангацуул, лам нар,  иргэд болоод 1030-аад оны аж байдал, үйл явдлыг харуулсан ардын дуунууд эгшиглэх аж. Жүжгийн зохиолыг Төрийн шагналт, Соёлын Гавьяат зүтгэлтэн Д.Төрбат бичиж, зөвлөхөөр Урлагийн Гавьяат зүтгэлтэн Л.Эрдэнэбулган, ерөнхий найруулагчаар Соёлын тэргүүний ажилтан Л.Эрдэнэбаатар, ерөнхий удирдаачаар Соёлын тэргүүний ажилтан Р.Ганбат, ерөнхий зураачаар Л.Баярхүү, туслах найруулагчаар Соёлын тэргүүний ажилтан П.Урнаа, уран сайхны удирдагчаар Гавьяат жүжигчин Ц.Төвшинтөгс ygj ажиллажээ.

Тэртээ 1912 онд Дотоод хэргийг бүгд захиран шийтгэгч яамнаас Богд хаанд өргөх бичиг барьсан байна. Үүнд “Их хүрээ болбоос манай Монгол Улсын эзэн Богд хааны гэгээн залран суугаа бүгдээр бараалхан ирэх чухамхүү үндэс охь манлай газар мөн. Олон улсын хаадын суугаа хотыг цөм, Нийслэл хэмээх нэр өргөмжлөх ёсон бүхийн тулд, үүнээс урагш элдэв албаны бичиг зэрэгт Нийслэл хүрээ хэмээн бичиж явбаас нийлэлцэх, үл нийлэлцэх явдлыг хуудас хавчуулж хичээнгүйлэн айлтгав. Ийнхүү зарлиг гуймуй хэмээсэн Богд хаан зарлиг гуйсан ёсоор болгогтун үүнийг хичээнгүйлэн дагаж Сангийн зэрэг дөрвөн яамнаа мэдтүгэй    хэмээжээ. Ийнхүү олноор өргөгдсөний тэргүүн он өвлийн сүүл сарын хорин хоёронд Их Хүрээг Нийслэл Хүрээ” хэмээжээ.

Жүжгийн гол дүрд: