Загварын ертөнцийн хаан гэгддэг дизайнер Карл Лагерфилд Их Британийн дуучин Аделийг үзэсгэлэнтэй, тэнгэрлэг хоолойтой боловч тарган гэж шүүмжилсэн гэнэ. Харин Их Британид шуугиан тариад буй шинэ од Лана Дел Рейн талаар асуухад муугүй дуучин боловч Аделийг илүүд үздэгээ хэлсэн байна. 78 настай дизайнер Карл Лагерфилд Лана Дел Рейн гадаад төрхт дуртай боловч Аделийн хөгжимд татагддаг гэж ярьсан гэнэ. Гадаад төрхөөр нь шүүмжлэгчдэд Адель “Би өөрийнхөөрөө байх дуртай. Би том хөхтэй, туранхай болохыг хүсдэг хүмүүсийн нэг биш” гэж хэлдэг аж. Аделийг хөөрхөн царайгаар биш, жинхэнэ авьяасаар гарч ирсэн дуучин гэдэг билээ.