Аймгийн төвөөсөө 50 орчим км зайд орших Сүхбаатар сум нь зохион байгуулалтын хувьд нэлээд цэгцтэйн дээр хүн амьдрахад таатай нөхцлийг бүрдүүлж чаджээ. Учир нь  тус сум нь албан байгууллагуудынхаа халаалтыг төвлөрсөн шугамаар бүрэн шийдвэрлэсэн анхны сум болсон байна.

Сүхбаатар сумын нутаг дэвсгэрт орших Төмөртэйн уурхайд үйл ажиллагаа явуулдаг БНХАУ-ын хөрөнгө оруулалттай “Цайрт минераль” ХХК нь сумын хөгжлийн дансанд квотын мөнгө төлдөг. Энэ нь тус сумын хөгжил, бүтээн байгуулалтанд тодорхой хэмжээгээр хувь нэмэр болж байгаа аж.