"Discotheque CluB"-ээс хоёрдугаар сарын 14-нд буюу Гэгээн хайрын өдөр “AER Club”-т электро хэмнэл, рок хөгжмийн нүргээнийг мэдрүүлэх гэж байна. Тоглолтод DJ Золоо болон рок урсгал чиглэлээр тоглодог “The Blacks”, “Messiers” , “The colors”, “Leftlimbo”, “Memories of tale”, “ Vatame”  хамтлагууд оролцох юм байна. Энэ үеэр дотоодын хөгжмийг сонсохын хамтаар гадаадын хамтлагуудын уран бүтээлийг “амьдаар” сонсох боломжтой юм байна. Тухайлбал “Memories of tale” хамтлаг  “The Whitest Boy Alive”, “Gorillaz”,  “Foster the people”-ийн дуунуудаас тоглох гэнэ. 

Гэгээн хайрын баярын өдрөөр доргих хүсэлтэй  ганц бие залуус, хосууд гээд хэн бүхний өмнө нээлттэй гэнэ.  Тоглолтын үеэр шилдэг хосыг шалгаруулж, бэлэг гардуулах бөгөөд тоглолтын орлогын 10 хувийг “Симба” халамжийн цэцэрлэгт хандивлах ажээ.