УИХ дахь МАН-ын бүлгийн өнөөдрийн хурал дээр эрхэм гишүүн Б.Бат-Эрдэнэ, Д.Тэрбишдагва, Д.Балдан-Очир нар МАН-аас гарна гэж мэдэгдсэн гэх “бор шувуу” Төрийн ордонд өнөөдөр үдээс хойш “нисэв”. Нэг бус хэд хэдэн хүний амнаас тийм үг дуулдсан юм. Ингээд “Хэргийн эзэд”-тэй нүүр тулж уулзахаар явлаа.

МАН-ын бүлгийн хурал үдээс хойш үргэлжилж байгаа тул ихэнх гишүүдийн өрөө түгжээтэй байв. Харин Д.Балдан-Очир гишүүн өрөөнөөсөө гарах гэж байхтай тааралдсан юм. Түүнээс бүлгийн хуралдаандээр  намаас гарах талаар мэдэгдэл хийсэн эсэхийг тодруулахад “Намаас гарах тухай яриагүй. Бидний талаар тийм “бор шувуу” сонсогддог. Гэхдээ бид тийм зүйл яриагүй” гэлээ.