Э.Мөнхбилэг өсвөрийн олимпийг шүүнэ | News.MN

Э.Мөнхбилэг өсвөрийн олимпийг шүүнэ

Хуучирсан мэдээ: 2010.05.03-нд нийтлэгдсэн

Э.Мөнхбилэг өсвөрийн олимпийг шүүнэ

Ирэх наймдугаар сард Сингапурт болох хүүхдийн анхдугаар наадамд оролцох эрхийг одоогоор манай гурван тамирчин аваад байгаа бол нэг шүүгч тус олимпийн наадамд шүүгчээр ажиллах эрхтэй болсон юм.
Тодруулбал, ширээний теннисний спортын дэд мастер Э.Мөнхбилэг өсвөрийн анхдугаар олимпийн наадмын ширээний теннисний шүүгчдийн сонгон шалгаруулалтад оролцож, 80 гаруй орны 200 шүүгчээс шалгаран, “Сингапур-2010”наадмыг шүүн тунгаах есөн шүүгчийн нэг болсон юм. Тэрбээр өнгөрсөн арванхоёрдугаар сараас энэ оны дөрөвдүгээр сарын хугацаанд үргэлжилсэн онлайн шалгалтад амжилттай оролцсоноор дээрх эрхийн эзэн болжээ.
Өсвөрийн олимпийн ширээний теннисний тэмцээнийг шүүхээр Азиас хоёр шүүгч /Монгол, Малайз/ шалгалтад тэнцсэн бол Европ тивээс дөрөв, Африкаас нэг, Америкаас хоёр шүүгч сонгогдсон байна. Э.Мөнхбилэг уг шалгаруултад тэнцсэнээр монголоос анх удаа ширээний теннисний олон улсын шүүгчийн зэрэглэлтэй болж байгаа юм. Одоо харин Э.Мөнхбилэгт тулгараад байгаа нэг асуудал бий. Учир нь Олон улсын ширээний теннисний холбоо манай шүүгчийг наймдугаар сард болох өсвөрийн олимпийн наадмаас өмнө олон улсын тэмцээнд шүүгчээр ажилласан байх ёстой гэсэн шаардлага тавьж байгаа бөгөөд хэрэв түүнд спортод элэгтэй байгууллага, хамт олон туслалцаа үзүүлбэл, энэ сард Испанийн Барселона хотод болох “ITTF Global Junior Circuit”тэмцээнд шүүгчээр ажиллаж, олон улсын эрхээ баталгаажуулах боломжтой ажээ. Сонирхуулахад, Э.Мөнхбилэг нь ширээний теннисийн спортын дэд мастер цолтой бөгөөд дасгалжуулагч Б.Цэрэнтогтохтой хамтран ширээний теннисний “Шинэ эргэлт” клубыг байгуулсан байна. Түүнчлэн АНУ-д хоёр жил амьдрах хугацаандаа тус улсын Ширээний теннисний холбоотой хамтран ажиллах холбоо тогтоогоод байгаа аж.

Б.Энх

0 сэтгэгдэл

News.mn сайтад сэтгэгдэл оруулахад анхаарах зүйлс

Avatar

heda 2010-05-03 182.160.32.228

woow amjilt husiy D

Avatar

khhh 2010-05-03 182.160.35.197

mundag huuhed shuu amjilt babe

Avatar

m 2010-05-03 173.79.120.148

i told u
goodluck ma friend

Avatar

shagai 2010-05-03 202.179.27.59

ene olon ulsaas ehnii bairand shalgaran ulsiinhaa neriig gargaj bgad bayr hurgey tsaashdaa bur iluug hiine gedegt naidaj bna mongoliin shireenii tennisnii hugjil zereglel tun udahgui delhii dahind en zeregtsej olon saihan amjilt gargasan tamirchintai bolno gedegt buren itgeltei bnaa minii biy we are the champions

Avatar

gan 2010-05-03 202.55.191.37

bolooshdee manaihaas inged yavj bdag amjilt

Avatar

gan 2010-05-03 202.55.191.37

bolooshdee manaihaas inged yavj bdag amjilt

Avatar

sport sonirhogch 2010-05-03 182.160.6.162

mongoloos shireenii tennisnii anhnii olon ulsiin shuugch bolsond bayar hurgii tsaashdaa delhii bolon olimpiin temtseeniig shuugeeree gej yerooy

Avatar

tennis sonirhogch 2010-05-03 202.170.68.130

woow congratulations

NewsMN Гар утасны хувилбар Татах
NEWS.mn

Мэдээллийн эх сурвалж