Нийслэлийн Баянзүрх дүүргийн 11-р хорооны нутаг Ногоон зорины орчим байрлах "Ургах наран" орон сууцны хорооллыг "40 мянган айлын орон сууц" хөтөлбөрийн хүрээнд  нийслэлийн Засаг даргын тамгын газар, Хас банк, TV-5 телевиз хамтран "Монгол мөрөөдөл" төсөл санаачлан барьж эхний ээлжийн барилгыг 2008 онд ашиглалтад оруулсан байна. Тухайн үед  хоёр өрөө байр нь 15-23 сая төгрөгийн үнэтэй  зарагдаж байжээ. Ашиглалтад ороод 3-4 жил болж байгаа ч оршин суугчид чанаргүй барилга барьсан хэмээн гомдол гаргажээ.

“Ургах наран“ хорооллыг барьсан компанийн удирдлагад Эрүүгийн хуулийн 174.1-т зааснаар чанаргүй барилга бариулж ашиглалтад өгсөн гэх үндэслэлээр эрүүгийн хэрэг үүсгэжээ. Энэхүү хэргийг Баянзүрх дүүргийн цагдаагийн хэлтэст шалгаж байна.