Москва-Улаанбаатарын чиглэлд өчигдөр 20.50 цагаас нислэг үйлдэх хуваарьтай байсан МИАТ компанийн ОМ136 аяллын Боинг767-300 онгоцонд техникийн саатал гарсны улмаас нислэгийг тодорхой бус хугацаагаар хойшлуулжээ. Хуваарийн дагуу онгоц өнөөдөр өглөө 06.55 цагт “Чингис хаан” олон улсын нисэх онгоцны буудалд газардах байсан ч одоо хэр нь Москвагаас хөөрөөгүй байна.

Онгоцонд техникийн саатал илэрсэн тул Улаанбаатараас инженер, техникийн багийнхан өнөөдөр өглөө Москваг зорьжээ. Тэд үзлэг, шинжилгээ хийж, шаардлагатай бол засвар үйлчилгээ хийх юм байна. Харин тус нислэгээр Улаанбаатарт ирэх байсан зорчигчдыг Москва дахь МИАТ компанийн төлөөлөгчийн газраас зочид буудал, хоон, унаа зэргээр ханган ажиллаж буй гэнэ.

Албан бус эх сурвалжийн мэдээллээр онгоцны далавчнаас ямар нэг зүйл унасан байна.