Зочид буудлын үйлчлэгч бүсгүйг “чангаасан” хэргээр Олон улсын валютийн сангийн тэргүүний албан тушаалаасаа огцорсон Доминик Штраусс Каны тухай кино хийх гэж байна. АНУ-ын найруулагч Абель Феррарагийн бүтээл уг киноны гол дүр Штраусс Каны дүрд нэрт жүжигчин Жерард Депардю тоглохоор болжээ.

Абель Феррарагийн “Ле Монд” сонинд өгсөн ярилцлагаар бол экс тэргүүний эхнэрийн дүрийг Изабель Аджани бүтээх юм. Киноны зураг авалтыг Нью-Йорк, Парис, Вашингтон хотуудад авах гэнэ. Киноны зохиол хэдийнэ бэлэн болсон бөгөөд сүүлийн хэдэн сар энэ тухай таамаг яриа хэвлэлүүдээр гарсан ч найруулагч нь үгүйсгэсээр байсан билээ. Харин энэ удаа тэрбээр албан ёсоор хүлээн зөвшөөрч гол дүрийн жүжигчнээ хүртэл зарлав.