Өнөөдөр УИХ дахь АН, МАН-ын бүлгүүд хуралдах гэж байна. Ардчилсан намын бүлгийн хурлаар Засгийн газарт зарим эрх олгох тухай хуулийн төсөл, Төсвийн тухай хүчингүй болгосонд тооцох тухай хуулийн төсөл, “Тогтоолд өөрчлөлт оруулах тухай” Улсын Их Хурлын тогтоолын төсөл,  “Засгийн газрын үнэт цаас гаргахыг зөвшөөрөх тухай” Улсын Их Хурлын тогтоолын төсөл, УИХ-ын гишүүн Д.Лүндээжанцан нараас өргөн мэдүүлсэн Орон нутгийн хурлын сонгуулийн тухай хуульд нэмэлт, өөрчлөлт оруулах тухай хуулийн төсөл, Орон нутгийн хурлын сонгуулийн тухай хуульд нэмэлт, өөрчлөлт оруулах тухай, УИХ-ын тогтоолын төсөл УИХ-ын гишүүн Н.Батбаяр нараас өргөн мэдүүлсэн Хөдөлмөрийн хуульд нэмэлт оруулах тухай, Авто тээврийн тухай нэмэлт, өөрчлөлт оруулах тухай хуулийн төслүүд, ”Сугалаа зохион байгуулах тухай”, “Олон нийтийн радио, телевизийн Үндэсний зөвлөлийн зарим гишүүнийг чөлөөлөх, томилох тухай” УИХ-ын тогтоолын төсөл зэргийг хэлэлцэх гэж байна.

Мөн УИХ-ын гишүүн Я.Батсуурь нараас болон УИХ-ын Д.Одбаяр нараас өргөн мэдүүлсэн Таван толгойн нүүрсний ордыг ашиглах зарим асуудлын тухай УИХ-ын 39 дүгээр тогтоолд нэмэлт, өөрчлөлт оруулах тухай УИХ-ын тогтоолын төсөл, Иргэний цахим үнэмлэхийн олголтын ажлын явц байдал зэрэг асуудлыг АН-ын бүлгийн хурлаар хэлэлцэхээр болжээ.

УИХ дахь МАН-ын бүлгийн хурлаар УИХ-ын гишүүн Д.Лүндээжанцан нараас өргөн мэдүүлсэн Орон нутгийн хурлын сонгуулийн тухай хуульд нэмэлт, өөрчлөлт оруулах тухай хуулийн төсөл, Орон нутгийн хурлын сонгуулийн тухай хуульд нэмэлт, өөрчлөлт оруулах тухай, УИХ-ын тогтоолын төсөл зэргийг хэлэлцэх аж.