Европт урьд хожид үзэгдээгүй их цас орж буйгаас зам тээврийн үйлчилгээ саатах тохиолдол олон гарч байгаа гэнэ. Их Британид их цас орноос Лондоны Хитроу нисэх онгоцны буудал нислэгүүдийнхээ гуравны нэгийг цуцалж байгаа гэнэ. Английн бусад нисэх онгоцны буудлууд харин өчигдрөөс нислэгүүдээ цуцалж, нислэгийн зурвасаа хаасан байна. Түүнээс гадна авто замд олон машин суусан тухай мэдээлэл тасрахгүй байгаа юм байна. Зарим газар 16 см зузаан цас орсноос зам дээр 100 гаруй машин түгжирсэн тухай мэдээлэл иржээ. Шотланд, Уэйльс, Умард Англи, Лондонд байдал адилхан гэнэ. Их цас орж, зам халтиргаа ихэссэнээс болж жолооч нар замд долоон аг түгжрэх тохиолдол ч гарч байгаа аж. Цас ингэж их орж байсныг хараагүй Европчууд цаг агаарын хүнд нөхцөлд дасч өгөхгүй байгаа гэнэ. Цаг агаарын энэ таагүй байдал ирэх долоо хоногийн дунд үе хүртэл үргэлжлэх төлөвтөй байгаагаас Европчуудыг гэрээсээ аль болох гарахгүй байхыг анхааруулж байгаа юм байна.

Гэрэл зургийг ЭНД дарж үзнэ үү.