Монгол Улсын Ерөнхийлөгч Ц.Элбэгдорж Дорноговь, Говьсүмбэр аймгуудад ажиллаж байгаа билээ. Тэрбээр өчигдөр Дорноговийн Замын-Үүд сумын иргэдтэй уулзаж, чөлөөт бүсийн байдалтай танилцсан бол өнөөдөр Сайншандад ажиллаж иргэдтэй уулзжээ.

Ерөнхийлөгчийг дагалдан яваа хүмүүстэй утсаар холбогдож Сайншандын иргэд ямар зүйлд анхаарал хандуулсныг сонирхлоо. Иргэд Сайншандад барих аж үйлдвэрийн цогцолбор, шинэ төмөр зам, “Шинэ Дорноговь” төслийн талаар голлон ярьсан байна.

Яг одоо Ерөнхийлөгч Говьсүмбэр аймгийн төв Чойр суманд хүрэлцэн ирж буй аж. Ерөнхийлөгч тэнд иргэдтэй уулзаж, төмөр зам, бусад байгууллагын үйл ажиллагаатай танилцах юм байна.