Дуурь бүжгийн эрдмийн театрын тайзнаа өнөөдөр Б.Шаравын “Чингис хаан” түүхэн дуурийг тоглох гэж байна. Энэхүү дуурийн гол дүрд буюу Тэмүүжинд Э.Бумхүү, Өүлэн эх Ардын жүжигчин А.Долгор, Бөртэ үжин Ш.Наранчимэг, Жамуха Гавьяат жүжигчин Б.Дамдинсүрэн, Ван хан Ж.Бямбажав, Хасар тенор-Ч.Түмэндэмбэрэл, Хуагчин меццо Гавьяат жүжигчин Д.Долгормаа, Хирэлтуг А.Сайнбаяр, Сорхон шар Б.Алтанхуяг, Билгүүтэй Ч.Энхтайван, Хадаан Ө.Уянга, Тэнүүлч I баритон-М.Амарсанаа, Тэнүүлч II тенор-Б.Гомбо-Очир, Мэнлиг эцэг басс-О.Хүрэлбаатар нар тус тус тоглох юм. Хоёр бүлэг зургаан үзэгдэлт энэхүү “Чингис хаан” дуурь нь анх 2003 оны тавдугаар сарын 3-нд тоглож байжээ.