Зохиолч Б.Шүүдэрцэцэгийн өгүүллэгүүдээс бүтсэн “Хайрын тухай зүүд” нэртэй сонсдог ном тун удахгүй уншигчдын гарт хүрэх нь ээ. Жүжигчин Т.Алтантуяа гэгээн Валентины баярын өмнө дурлалт хосуудад зориулан энэхүү сонсдог номыг уншиж, хэвлэлтэнд өгөөд байгаа юм байна. “Хайрын тухай зүүд” сонсдог ном нь дотроо уншдаг номтой бөгөөд бэлгийн гоёмсог баглаа боодолтой байх ажээ. Зохиолч Б.Шүүдэрцэцэг, жүжигчин Т.Алтантуяа нар өмнө нь хамтран “Шүүдэрцэцэг”, “Хайр” зэрэг сонсдог номыг олны хүртээл болгож байсан юм.