“Pulp Fiction” киноны од, жүжигчин Жон Траволта цаг бусаар амиа алдсан ууган хүүгийнхээ дурсгалд зориулж, өөрийн цуглуулгаас нэг нисэх онгоцыг музейд бэлэглэжээ. 2009 онд Багамын аралд аялж байхдаа ууган хүүгээ саа өвчнөөр алдсан нь Жон Траволтагийн зүрхийг шархлуулсан нь мэдээж. Өдгөө гурван хүүхдийн аав Жон Траволта хувийн таван нисэх онгоцны нэгийг Жоржия мужийн нисэх хүчний музейд дурсгасан байна. Жон Траволтагийн бэлэглэсэн “G-2 Gulfstream” 14 хүний суудал бүхий, хос хөдөлгүүрт онгоц гэнэ. Музейн алдрын танхимд бүртгэсэн “G-2 Gulfstream” онгоцоор ирэх дөрөвдүгээр сард агаарын шоу үзүүлэх юм байна. Жүжигчин Жон Траволта “Gulfstream”-ээс гадна “Boeing 707” онгоц жолоодох эрхтэй гэнэ.