Улсын Ерөнхий прокуро­рын газраас өчигдөр мэдээлэл хийлээ. Энэ үеэр Улсын Ерөнхий про­куро­рын газрын хяналтын прокурор Т.Сүхбаатар, Улсын Ерөнхий про­курорын туслах Сургалт, судалгаа хамтын ажиллагааны төвийн захи­рал Г.Ганзориг, Баянзүрх дүүргийн Прокурор С.Цэрэнсамбуу болон Нийс­­лэлийн Прокурорын газрын ор­­логч дарга Ё.Сагсай нар хүрэлцэн ирсэн. Өн­гөр­сөн 2010 онд Монгол Улсын Ерөн­хийлөгчийн санаачилгаар Шүүх эрх мэдлийн шинэтгэлийг гүнз­гийрүүлэх хөтөлбөрийг боловс­руулсан. Уг хөтөл­бөр Монгол Ул­сын Үндэсний аюулгүй байдлын зөвлөлөөр бат­лагдсан юм. Энэ хө­төл­бөрийн хэ­рэг­жилт хэрхэн явагдаж байгааг Улсын Ерөнхий про­курорын газраас санаачилж 2012 оны хоёрдугаар сарын 12-20 хүртэл хугацаанд Монгол Ул­сын хэмжээнд аймаг, нийслэлийн хэм­жээнд шал­ган, туслах ажлын хэсгийг явуу­лах гэж байна. Уг ажлын хэсэг нийт долоон группээр явж байгаа. Шал­ган туслах групп нь Аймгийн шүүх, Цагдаагийн байгууллага, Шүү­­хийн шийдвэр гүйцэтгэх газар, Про­­курорын газруудад хяналт шал­галтыг хийх юм байна. Мөн хуу­лийн төв байгууллагуудаас ирсэн шийд­вэрийг хэрхэн хэрэгжүүлж бай­гааг шалгах аж. Нийт гурван гол бичиг баримтын биелэлтийг шал­гах гэнэ. Хуулийн байгууллагын ажилтны са­хилга бат, нэг тоот албан даал­гаварын биелэлт, Эрүүгийн хууль тогтоомж гэсэн гурван биелэлтийг шалгах ажлын хэсэг гарч ажиллах юм байна. Өнгөрсөн оны байдлаар улсын хэмжээнд эрүүгийн 617 хэрэгт 700 төрийн албан хаагч холбогдон шалгагдсан байна. Энэ нь улсын хэмжээнд гарсан нийт гэмт хэргийн 2.6 хувь болж байгаа юм. Үүнийг 2010 онтой харьцуулахад 15.7 хувиар  нэмэгдсэн байна. Төрийн албан хаагчдаас 2011 онд нийт 65 хүн шийтгүүлсэн байна. Хорихоос өөр ялаар 58 ажилтан шийтгүүлсэн нь төрийн албан хаагчдын сахилга батыг дээшлүүлэхийг анхааруулж байна. Энэ бүх мэдээлэл тоо баримтыг Мон­гол Улсын Үндэсний аюулгүй байдлын зөвлөлд өгсөн байна.

Нийслэлийн прокурорын газрын орлогч дарга Ё.Сагсайгаас зарим зүй­лийг тодрууллаа.

-Монголбанкны Эрдэнэсийн сан­гаас алдагдсан 20 килограмм алт алдагдсан. Энэ талаар?

-Монголбанкны Эрдэнэсийн сан­гаас 20 кг алт алдагдсан хэргийг Улсын мөрдөн байцаах газрын Эдийн зас­гийн гэмт хэрэгтэй тэмцэх хэлтсээс эрүүгийн хэрэг үүсгэн шалгаж байгаа. Нийслэлийн ерөнхий проку­рорын газраас мөрдөн байцаах, таслан зогсоох үйл ажиллагаанд хяналт тавиж байгаа. Хэргийн мөр­дөн байцаалтын ажиллагаа явж бай­гаа. Энэ хэрэг олон жилийн үйл ажил­лагааны учраас нарийн төвөгтэй учир мөрдөн байцаалт явуулахад удааш­ралтай юм. Дөрвөн хүнийг цагдан хорьж мөрдөн байцаах үйл ажиллагаа явуулж байгаа. Хэргийг бүрэн гүйцэт шалгаж дууссаны дараа мэдээлэл өгөх болно. Мөрдөн байцаах үйл ажиллагааны талаар нийтэд зарласан тохиолдолд эрүүгийн хэрэг үүсгэн хуулийн хариуцлага хүлээдэг юм. Тиймээс энэ талаар нийтэд мэдээлэл өгөх боломжгүй байна.

-Говьсүмбэр аймгийн Засаг даргыг ба­ривчилсан байгаа. Түү­нийг барь­сан нь хууль бус гэсэн мэдээлэл бай­на?

-Говьсүмбэр аймгийн Засаг дарга Ж.Баянмөнхтэй холбоотой хэрэгт мөрдөн байцаалтын үйл ажиллагаа явуулж байгаа. Энэ хэргийн талаар Ав­лигатай тэмцэх газар мөрдөн байцаах үйл ажиллагаа явуулж бай­на. Сэжигтнээр цагдан хорих тас­лан сэргийлэх арга хэмжээ авсан. Үүнийг  буруу шийвдэр хэмээн Ж.Баян­мөнхийн өмгөөлөгч гомдол гаргасан. Харин Ерөнхий шүүгч уг гомдолыг үндэслэлгүй хэмээн хүлээж аваагүй. Өнөөдрийн байдлаар шүүх эцсийн шийдвэрийг гаргаагүй байна.