Евро бүс дэх ажилгүйдлийн түвшин өнгөрсөн жилийн эцэс гэхэд хамгийн өндөр цэгтээ хүрлээ хэмээн Евростат агентлаг мэдэгдсэн байна. Нэгдсэн нэг мөнгөн тэмдэгтээр гүйлгээгээ явуулдаг тус бүсийн 17 оронд ажилгүйдлийн түвшин түрүү оны арваннэгдүгээр сард 10.3 хувь байсан бол арванхоёрдугаар сард төдийлэн өөрчлөлтгүй 10.4 хувьтай байв.

Евро бүсийн 16.5 сая хүн өнгөрөгч оны арванхоёрдугаар сард ажилгүйчүүдийн эгнээнд шилжсэн нь өмнөх жилээс 751 мянган хүнээр илүү байгаа юм. Энэ үзүүлэлт огцом өссөн  орон нь Испани улс 22,9 хувь байгаа бол хамгийн доогуур түвшинтэй орон нь Австри улс 4.1 хувь байгаа аж. Тус бүсийн өрийн хямралтай холбоотойгоор  ажилгүйдэл 2011 оны туршид цойлон  давхисан гэсэн үг. Харин энэ үзүүлэлт хоёр  жилийн өмнө буюу 2010  онд 10 хувьтай  байсан ажээ. Энэ онд  ажилгүйдлийн түвшин өссөөр байна хэмээн эдийн засагчид таамаглаж байгаа юм.