-Отрын бүс нутгаар яваад ирсэн гэсэн хөдөө орон нутагт өвөлжилт ямар байна вэ. Хэчнээн хүний бүрэлдэхүүнтэй яваад ирэв?

-Өнгөрсөн
долоо хоногоос хүйт­ний эрч эрс чангарлаа. Энэ үеэр УИХ-ын дарга
Д.Дэмбэрэлээр ахлуул­сан 30-аад хүний бүрэлдэхүүнтэй аж­лын хэсэг хөдөө
орон нутагт ажил­лаад ирлээ. Өвөлжилт гайгүй байна. Хөдөө, орон нутагт
ерөнхийдөө цасан бүрхүүлтэй өмнөх жилүүдийг бодвол цасны унац арай их
байна. Нийт аймгаар зуншлага сайхан болсон бо­лохоор малчид зун,
намартаа хадлан тэжээлээ сайн бэлтгэсэн байна. Гадаа маш хүйтэн байгаа ч
тэр хүйтнийг ажрахгүй малаа маллаж байна лээ.

-Бүх нутгаар өвөлжилтийн бай­дал  хэр байгаа бол?

-Зуд
болоогүй. Улсын онцгой байд­лын газар, Засгийн газар болон манай яам
зуд болж болзошгүй аймгуудад өвс, тэжээлийн тусламж өгөх талаар шийдэж
байгаа.Өвөлжилт тааруу байгаа бүс нутаг гэвэл баруун аймгууд болох Увс,
Баян-Өлгий, Ховд зэрэг аймагт нөө­цийн өвсийг тодорхой хэжээгээр
явуулна.

-Улсын нөөцөнд хэчнээн хэм­жээний өвс байна вэ?

-Үүнийг Онцгой байдлын ерөн­хий газрын нөөцийн газар тоо баримттай нь хэлэх болов уу.

-Аль аймгийн нутгаар яваад ир­сэн бэ. Тэнд байдал ямар байна вэ?

-Төвийн
бүсийн аймгууд бо­лох Төв аймаг, Өвөрхангай, Бул­ган эдгээр аймагтай
хил залгаа байдаг  Архангай ,Баянхонгор зэ­­рэг аймгийн отрын бүс
газраар явсан. Бид Төв аймгийн Эрдэнэсант су­маар, Өвөрхангай аймгийн
Бүрд су­манд хоёр малчныхаар орсон. Өв­лийн оргил үе ч таарч хүйтний эрч
чангарч -38-40 градус хүрсэн. Ийм хүйтэн байхад отроор явж байгаа
мал­чид малынхаа хөрзөнгөөр хашаа барьчихсан  отрын жижиг гэртээ
ду­­лаан тохилог байгааг нь харахад сай­хан байсан. Энэ үед малчид төр
зас­гаасаа туслалцаа дэмжлэг аваад байх шаарлагагүй, болж байна гэж
байсан.

-Энэ өвөл малын хорогдол байна уу?

-Зуд
болоод мал үхээд байгаа юм бол байхгүй. Бид малчидтайгаа уул­заад явж
байхад хорогдол байхгүй гэсэн. Тэгэхдээ мал төллөх цаг бо­лоогүй байна.
Харин малын зүй бус хорогдол гэж бий. Энэ нь өвсөө цасан доороос малтаж
идэж чадахгүйгээс  болон хэт даарснаас болж мал үхдэг. Ийм тохиолдлоор л
цөөхөн тооны мал хорогдсон.

-Хэчнээн айл өрхийн хэдэн тооны мал отроор явж байгаа юм бэ?

-Төвийн отрын бүс нутгаар нийт 72 өрхийн 46 мянган толгой мал отроор өвөлжиж байна.