Цахилгаан авто машины баттерей үйлдвэрлэгч Америкийн “Ener1” дампуурлаа зарлажээ. Тус компани гурван жилийн өмнө АНУ-ын Засгийн газраас 118.5 сая ам.долларын буцалтгүй зээл авч байсан юм. EnerDel компанийн охин компани болох “Ener1” эрчим хүчний олон төрлийн төхөөрөмжүүд үйлдвэрлэдэг байжээ.  Гэвч тус компанийн дампуурал толгой компанийн ажилчид, хэрэглэгчид болон нийлүүлэлтэд сөрөг нөлөө гарахгүй гэж төлөөлөгчид нь мэдэгдэж байгаа гэнэ. “Ener1” дампуурсан шалтгаанаа цахилгаан авто машины эрэлт буурсантай холбон тайлбарлажээ.