Монголын сагсан бөмбөгийн холбоо, “Жи Эн Бевержис” компанитай хамтран зохион байгуулж буй  Пэпси оюутны лигийн тэмцээний  эхний тоглолт боллоо. Тус тэмцээнд эрэгтэй 15, эмэгтэй 12 сургуулийн багууд өрсөлдөхөөр мэдүүлгээ ирүүлсэн байна. Тэмцээний эхний өдрийн хамгийн сонирхолтой тоглолт ХТДС/ Хүнс технологийн дээд сургууль/, СЭДС/Соёл эрдэм дээд сургууль/-ийн дунд өрнөсөн юм. Эхний хагаст 24:17 харьцаатай тэргүүлж байсан ХТДС-ийн баг гуравдугаар үед тэргүүлсэн хэвээр байсан ч, сүүлийн  дөрөвдүгээр үеийн тоглолтод тааруухан тоглолт үзүүлж, 37:41 харьцаатай ялагдал хүлээсэн юм. Харин эмэгтэйчүүдийн В хэсгийн УБЭОДС /Улаанбаатар Эрдэм Оюу дээд сургууль/ БХИС /Батлан хамгаалахын их сургууль/-ийн учраагаар тоглолт үргэлжилсэн бөгөөд 22:43 харьцаатай БХИС-ийн баг өрсөлдөгчөө буулган авснаар нэг хожил, нэг хожигдолтой тэмцээнийг үргэлжүүлж байна.  Мөн энэ өдөр тоглосон ҮБТДС, ХААИС-г 46:79 харьцаатайгаар, ШУТИС, Зохиомж дээд сургуулийг 105:16 харьцаатай буулгаж өрсөлдөгчөө илүүрхлээ.