Загвар өмсөгч Э.Энхболд Монголын үндэсний “Боловсрол суваг” телевиз, “Камертон” хамтлагаас хамтран хэрэгжүүлж буй “Камертон-2” шоунд бүртгүүлжээ. Сонирхолтой мэдээ байгаа биз. Топ модель Д.Пүрэвсүрэнтэй хамтран “Говь” компанийн Face болж байсан Э.Энхболдыг Монголын загварын ертөнцөд шинэ өнгө төрх нэмж, эрэгтэй загвар өмсөгчдийн төвшинг тодорхойлсон, чадварлаг залуу гэдгийг нь олон нийт дуу нэгтэй хүлээн зөвшөөрдөг.

Багадаа онгоцны нисгэгч болохыг мөрөөддөг байсан Э.Энхболд хэдийгээр загварын тайзыг эзэгнэж, бизнесийн салбарт амжилттай хүч үзэж яваа ч сайн дуулдаг авьяасаа олноос “нуусан” байжээ.  Харин ойр дотныхондоо сайхан дуулдгаараа хэзээний танигдсан авьяаслаг залуу рок, поп урлагт хүч сорихоор шийдэж, “Камертон-2”-оор гараагаа эхлэхээр зоригложээ.

Амжилт хүсье, Энхболд оо.