Монголын эдийн засгийн форумаас "Монголын эдийн засгийн чуулган 2012"-ыг угтан цуврал хэлэлцүүлэг, лекц зохион байгуулж байгаа билээ. Эхний хэлэлцүүлгийг "Ногоон шийдэл-нүүрс үү, салхи уу" сэдвээр зохион байгуулахаар болсон байна. Хэлэлцүүлгээр салхины эрчим хүчийг хөгжүүлэхэд тулгарах бэрхшээл, давуу талуудыг хөндөхөөс гадна нүүрс, нүүрсний технологийн талаар ч ярилцах аж.

МУИС-ийн ХХИС-ийн Хими технологийн тэнхимийн эрхлэгч, Нано шинжлэх ухаан, нанотехнологийн төвийн төслийн удирдагч Б.Батцэнгэл “Нүүрсний технологи эрчим хүчний эх үүсвэр болох нь” сэдвээр, Жорж Вашингтоны их сургуулийн төгсөгч, судлаач Х.Батсуурь “Салхин сэнсний эрчим хүч” сэдвээр илтгэл тавих юм байна. Хэлэлцүүлэг хоёрдугаар сарын 3-ний баасан гаригт 16:00 цагаас Үндэсний хөгжил, шинэтгэлийн хорооны хурлын танхимд зохион байгуулагдах юм.

О.Хос

www.mongolianminingjournal.com
www.journalism.mn