Үндэсний дуу бүжгийн эрдмийн чуулгын уран бүтээлчид төрийн соёрхолт, бүжиг дэглээч Сэвжидийн Сүхбаатарын дэглэсэн бүжгүүдээр DVD хэвлүүлсэн байна. “Бүжгийн бахархал" нэртэй энэхүү DVD-г С.Сүхбаатарын 60 насны ойд зориулсан ҮДБЭЧ-аас гаргажээ. Цомогт бүжиг дэглээчийн 30 гаруй жилийн уран бүтээлээс зөвхөн концертын 12 бүжгийг оруулжээ. Түүнчлэн Сэвжидийн Сүхбаатар уг цомогт багтсан бүжгүүдээрээ уран бүтээлийн тоглолт хийхээр төлөвлөөд байгаа гэнэ шүү.