Америкийн нефть, байгалийн хийн ExxonMobil гэх аварга компанийн цэвэр ашиг 2011 онд 34 хувиар өсөн 41 тэрбум ам.доллар болжээ. Компанийн цэвэр ашиг нь ердийн нэг хувьцааны үнээр жилийн өмнөх 6,24 ам.доллараас 8,43 ам.доллар болсон байна.

Жилийн дүнгээр ExxonMobil-ийн орлого 27 хувиар нэмэгдэн 486 тэрбум  доллар болжээ. Дөрөвдүгээр улиралд ExxonMobil-ийн цэвэр орлого 1,6 хувиар нэмэгдэн, 9,4 тэрбум доллар хүрсэн байлаа. Улирлын орлого нь 121,6 тэрбум байв. Улирлын зарлага нь 55,4 тэрбум хүртэл өсчээ. Нефтийн жилийн олборлолт нь таван хувиар буурсан бөгөөд  өдөрт 2,31 сая баррелийн хэмжээнд байлаа.