МХБХ өөрийн орны багш, дасгалжуулагч нараа олон улсын зэрэглэлтэй болгох, дасгалжуулах ур чадварыг нь дээшлүүлэх зорилгоор Олон улсын хөлбөмбөгийн холбоо /FIFA/, Азийн хөлбөмбөгийн холбоо /AFC/-ны дасгалжуулагчийн сургалтыг зохион байгуулсаар ирсэн билээ. Тус холбоо энэ онд АХБХ-ны дасгалжуулагчийн “С”, “В” зэрэглэлийн сургалтын нийслэлийн Засаг дарга бөгөөд Улаанбаатар хотын захирагчийн ивээл дор Улаанбаатар хотод зохион байгуулах гэж байна. Гуравдугаар сарын 19-нөөс дөрөвдүгээр сарын 1-нд болох “С” ангилалын сургалтад хамрагдах дасгалжуулагч нар 21-29 насны, хөлбөмбөг тоглож байсан ба одоо тоглож байгаа, өсвөрийн баг дасгалжуулж байгаа болон дасгалжуулах сонирхолтой, МХБХ-ны дасгалжуулагчий “D” зэрэглэлийн сургалтад суралцаж тэнцсан байх шаардлагатай аж. Харин дөрөвдүгээр сарын 9-29-нд болох “В” ангилалд хамрагдагсдын шаардлага нь АХБХ-ны “С” зэрэглэлтэй, өсвөрийн болон насанд хүрэгчдийн багтаж ажиллаж, Үндэсний лигийн багийг дасгалжуулж байх юм.