Монгол Улсын тусгаар тогтнолыг тунхаглагч хорь­дугаар зууны эрх чөлөөний
тэмцэгч Д.Сүхбаатарын мэн­дэлсний 119 жилийн ой мар­гааш тохионо. Бараг
зуун хориод жилийн өмнө хорвоод мэндэлсэн, өдгөө бидний дунд байхгүй
хөөрхий жан­жины төрсөн өдрийг өмч­лөх гэдэг улс төрийн урал­цаан
өнгөрсөн жилээс бий болсон билээ. МАХН 90 жилийн турш Д.Сүхбаатарыг
өмчилдөг байв. Гэвч нэрээ сольж Ардын нам болмогц хөсөр хаягдсан нэ­рийг
нь экс дарга Н.Энхбаяр нь шүүрч авснаас тэд түүхээ булаалдах болсон юм.
Тэ­гэхээр энэ удаа Ардын нам, МАХН-ын аль нь жанжины төрсөн өдрийг
тэмдэглэх бол. Ингэхэд Д.Сүх­­баатар Ардын нам, МАХН хоёрын алиных нь
ги­шүүн явсан юм бол.  “Тахиа анх­дагч уу, өндөг анхдагч уу” гэдэг шиг
хэцүү асуултын хариуг маргааш лав олоосой. Ардын намыг Дамдины
Сүх­баатарын Батболд тэргүүлж байгаа болохоор тэд энэ өдөр Бага хурлаа
хийх ёстой юм болов уу. Эсвэл 90 жилийн түүхтэй МАХН хэмээх брэнд нэрийг
албан ёсоор өм­чилж буй Н.Энхбаяр тэм­дэглэн өнгөрүүлэх үү. Уг нь
дуучин BX бас энэ өдөр төр­сөн. Одоогийн Ерөнхий сайд “Камертон”
хамтлагтай төр­сөн өдөр нь давхцдаг гэдэг шиг BX, Д.Сүхбаатар хоё­рын
төрсөн өдрийг хувааж аваад тэмдэглэвэл яах бол. Орчин  үеийн залуус
жанжин Д.Сүхбаатарын талаар бус дуучин BX-ийн талаар илүүг мэд­нэ гэхэд
эргэлзэхгүй байна.Тэгэхээр сонгууль дөхсөн энэ үед хэрэглэж болох л
арга мэт санагдана. Заавал нас барсан хүний ясыг өндөлзүүлэн хэ­рэлдэж
байхаар энэ замыг сонгосон нь дээр биш үү. Хориод жилийн өмнөх нэгэн
онигоо санаанд орж орхилоо. “2000 онд Ленин багш Оро­сын Улаан
тайлбайгаар баа­хан алхжээ. Түүнийг хэн ч таньсангүй. Тэгэхээр нь нэг
өвгөжөөр хүнээс “Та Ленин багшийг таних уу” гэтэл нөгөөх нь нэлээд
бо­дож байснаа “Тэр Алла Пу­гачёвагийн үед амьдарч бай­сан уу” гэсэн
гэдэг. Гэхдээ “Д.Сүхбаатарын төрсөн өд­рийг мэдэх үү” гэхэд “BX-тэй нэг
өдөр төрсөн бил үү” гэж асууж байвал “ок” шүү дээ. Тиймээс BX-ын төр­сөн
өдөрт бэлэгтэй очвол лав баярлах байх шүү.