Бид маш олон янзын хэлбэр дүрс, хэв маягтай бугуйн цагийг харж байсан ч тэдний аль нь ч дээр хэлсэн шиг гайхалтай байгаагүй. Хумсан цаг таны хуруун дээр байрлана. Та магадгүй хэзээ ч цагийг хумсан дээрээсээ харна гэж төсөөлж байгаагүй байх. Харин энэ гайхалтай санааг Timex-ынхан бүтээжээ. Энэхүү цаг нь хумсан дээр жигдхэн гэрэлтдэг ба тухайн хэрэглэгч хүссэн өнгө загвараараа харагдах байдлыг өөрчилж болох юм байна. Хүний биед ямар нэгэн нөлөө, хүндрэл учруулахгүй бөгөөд эрхий хурууныхаа хумсны үзүүр дээр дарах төдийд асна. Цагны доод буюу наалтан хэсэг нь нэг удаагийнхаар хийгдсэн учир цагийг нэг удаа л хэрэглэх боломжтой гэнэ. Орчин үеийн стандартын шаардлагад маш ихээр нийцээд байгаа энэхүү цагийг бага зэрэг этгээд хэв загвартай гэж тодорхойлох хүмүүс цөөнгүй байгаа. Мөн минималист чиглэлийг тун аятайхнаар гаргаж өгсөн боловч хумсан дээр тийм ч удаан хугацаагаар наалддаггүй юм байна.