Улаанбаатар хотоос өчигдөр Говь-Алтай аймаг руу явж байсан жижиг оврын автобус замдаа буюу Өвөрхангай аймгийн нутагт эвдэрчээ. Автобусанд анагаах ухааны салбарын сургуулийн 20 оюутан сууж явсан байна. Азаар автобус эвдэрч, зогссон газарт үүрэн телефоны сүлжээтэй байсан тул аймгийн онцгой байдлын хэлтэст мэдээлсний ачаар онцгой байдлын алба хаагчид автобусанд байсан зорчигчдыг Өвөрхангай аймгийн төвд авчирч, осгох аюулаас аварчээ.

Сүүлийн үед хүйтний эрч чангарч байгаагийн улмаас хөдөө орон нутагт зорчиж байгаа хүмүүс техникийн бүрэн бүтэн байдлаа сайтар шалгаж, зам гарч байхыг ОБЕГ-аас анхааруулж байна.